માળીયા (મી)ના હરીપર પાસે ટ્રક ચાલકે એસટી બસમાં મોરો અથડાવતા સર્જાયો અકસ્માત
Morbi Today
મોરબી નજીક ઓવરટેક કરતા સમયે બાઇક સ્લીપ થવાથી નીચે પટકાયેલ યુવાન ઉપર અજાણ્યા ટ્રકના તોતિંગ વ્હીલ ફરી જતાં મોત
SHARE
JOIN OUR GROUP
મોરબી નજીક ઓવરટેક કરતા સમયે બાઇક સ્લીપ થવાથી નીચે પટકાયેલ યુવાન ઉપર અજાણ્યા ટ્રકના તોતિંગ વ્હીલ ફરી જતાં મોત
મોરબીના જેતપર રોડ ઉપર આવેલ રંગપર બેલા ગામ પાસેથી બાઈક લઈને પસાર થતો યુવાન ટ્રકનો ઓવરટેક કરવા જતા સામેથી ટ્રક આવી ગયો હતો જેથી કરીને બાઇકને બાઇકને બ્રેક મારતા બાઈક સ્લીપ થઈ ગયું હતું અને યુવાન રસ્તા ઉપર પડી ગયો હતો અને પાછળથી આવી રહેલ ટ્રકના તોતિંગ વ્હીલ તેના ઉપર ફરી વળ્યા હતા જેથી કરીને યુવાનનું મોત નીપજ્યું હતું હાલમાં આ બનાવમાં મૃતક યુવાનના મિત્રની ફરિયાદ લઈને પોલીસે મૃતક યુવાનની સામે ગુનો નોંધી રાબેતા મુજબની કાર્યવાહી હાથ ધરી છે
બનાવની જાણવા મળતી વિગત પ્રમાણે મૂળ જૂનાગઢ જિલ્લાના કેવદ્રા ગામના રહેવાસી અને હાલમાં મોરબીના જેતપર રોડ ઉપર આવેલ સોલરિયમ સિરામિકના લેબર કવાર્ટરમાં રહેતા અને મજૂરી કામ કરતાં કેવિનકુમાર વિરમભાઈ કેશવાલા જાતે કોળી (ઉંમર ૨૪) પોતાના હવાલા વાળું બાઈક નંબર જીજે ૩૬ એડી ૭૩૬૦ લઈને મોરબીના જેતપર રોડ ઉપર આવેલ રંગપર બેલા ગામ પાસે રોયાલિંકા સિરામિક સામેથી પસાર થતો હતો ત્યારે તેણે ટ્રકનો ઓવરટેક મારવા જતા સામેથી બીજી ટ્રક આવી જતા બાઈક ચાલક કેવીનકુમારે પોતાના બાઈકને કંટ્રોલ કરવા માટે બ્રેક મારી હતી અને ત્યારે બ્રેક મારતાની સાથે જ બાઈક સ્લીપ થઈ ગયું હતુ જેથી કરીને કેવિનકુમાર રસ્તા ઉપર નીચે પટકાતા તેની પાછળ આવી રહેલા અજાણ્યા ટ્રકના તોતિંગ વિહીલ તેના ઉપરથી ફરી વળતા તેને માથાના ભાગે ગંભીરતા થઈ હોવાથી કેવિનકુમારનું મૃત્યુ નીપજ્યું હતું હાલમાં અકસ્માત મૃત્યુના આ બનાવમાં મૃતકના મિત્ર અભિષેકભાઈ તિવારી જાતે બ્રાહ્મણ (૨૦) રહે. હાલ જેતપર રોડ પાવળીયાળી કેનાલ પાસે આવેલ સોલરિયમ સીરામીકના લેબર ક્વાર્ટર વાળાની ફરિયાદ લઈને પોલીસે મૃતક યુવાન સામે ગુનો નોંધી રાબેતા મુજબની કાર્યવાહી હાથ ધરી છે
