મોરબીમાં મારામારીના અનેક ગુનામાં સંડાવાયેલો શખ્સ પાસા હેઠળ જેલ હવાલે
Morbi Today
મોરબીમાં મહિલા સાથે દુષ્કર્મ આચારનારા નરાધમોને કડક સજાની વડવાળા યુવા સંગઠન-રાજપૂત સમાજ-રાજપૂત કરણી સેનાની માંગ
SHARE
JOIN OUR GROUP
મોરબીમાં મહિલા સાથે દુષ્કર્મ આચારનારા નરાધમોને કડક સજાની વડવાળા યુવા સંગઠન-રાજપૂત સમાજ-રાજપૂત કરણી સેનાની માંગ
મોરબીના રવાપર નજીક રાત્રી સફાઈ કરતી મહિલા પર બે નરાધમોએ દુષ્કર્મ આચર્યું હોવાની ઘટનાના ઘેરા પ્રત્યાઘાત પડ્યા છે. જેમાં વડવાળા યુવા સંગઠન મોરબીએ કલેકટર આવેદન આપી આ દુષ્કર્મના હીન કૃત્યને વખોડી કાઢી પીડિતાને યોગ્ય ન્યાય આપવા તેમજ બન્ને નરાધમોને આકરી સજા કરવાની માંગ ઉઠાવી છે.
વડવાળા યુવા સંગઠન મોરબીએ જિલ્લા કલેકટર આવેદન આપીને જણાવ્યું હતું કે, રવાપર ગામ પાસે થોડા દિવસ પહેલા રાત્રી સફાઈ કરતી એક આધેડ વયની મહિલાને બે નરાધમોએ હવસનો શિકાર બનાવી હતી. જેમાં બન્ને નરાધમો મહિલાને બળજબરીથી કારમાં અપહરણ કરી જઈને હેવાનીયતભર્યું દુષ્કૃત્ય આચર્યું હતું એટલું જ નહીં મહિલાને ઢોર માર માર્યો હતો. જો કે પોલીસે ત્વરિત કાર્યવાહી કરીને બન્ને આરોપીઓને ઝડપી લીધા હતા. પણ રાત્રી સફાઈ કરતી મહિલા ઉપર આવું અધમ કૃત્ય આચરવું તે ઘણું જ શરમજનક કૃત્ય છે. આથી આ ધૃણાસ્પદ ઘટનાને વખોડી કાઢી પીડિતાને યોગ્ય ન્યાય આપવા તેમજ બન્ને નરાધમોને આકરી સજા કરવાની તેમજ રાત્રી સફાઈ કરનાર નગરપાલિકાની તમામ મહિલા કર્મચારીઓને સુરક્ષા પુરી પાડવાની માંગ ઉઠાવી છે.
રાજપૂત સમાજ-રાજપૂત કરણી સેના
મોરબીમાં આધેડ મહિલા સફાઈ કર્મચારી સાથે દુષ્કર્મ આચરવામાં આવ્યું હતું જે ઘટનાને મોરબી જીલ્લા રાજપૂત સમાજ તેમજ રાજપૂત કરણી સેનાએ વખોડી કાઢેલ છે અને આ ગુનામાં આરોપીને પકડી લેવામાં આવેલ છે જો કે, તેને સખત સજા કરવામાં આવે અને આવા તત્વોને સબક મળે તે માટે પોલીસ અને સરકાર દ્વારા વહેલીમાં વહેલી તકે પગલાં લેવામાં આવે તેવી લોકો માગ કરી રહ્યા છે ત્યારે મોરબી જિલ્લા રાજપૂત કરણી સેના અને રાજપૂત સમાજ સફાઈ કર્મચારી પડખે છે અને ગમે ત્યારે જરૂર પડે ત્યારે કાઈપણ કરવું પડે તો બહેનની સાથે રહેવાની તૈયારી દર્શાવી છે.
