મોરબી : અકસ્માતના કેશમાં રૂ।.૧૧,૪૫,૨૦૦ નું વળતર ચુકવવા વિમા કાુ. ને હુકમ
Morbi Today
મોરબી : કર્તવ્ય કર્મ કરવામાં જ કલ્યાણ સુત્ર ચરિતાર્થ ; સાંસદ વિનોદભાઈ ચાવડા
SHARE
JOIN OUR GROUP
મોરબી : કર્તવ્ય કર્મ કરવામાં જ કલ્યાણ સુત્ર ચરિતાર્થ ; સાંસદ વિનોદભાઈ ચાવડા
દેશના યશસ્વી વડાપ્રધાન નરેન્દ્રભાઇ મોદીના આહ્વાનને કચ્છ તેમજ મોરબી સહિત સમસ્ત ગુજરાતની જનતા જનાર્દનને ઝીલી કચ્છની બધી જ સીટ અને ગુજરાતની કુલ ૧૫૬ સીટો પર જન સમર્થન આપ્યું છે તેવું જણાવતા કચ્છ સાંસદ અને ગુજરાત પ્રદેશ ભાજપા મહામંત્રી વિનોદભાઇ ચાવડાએ સર્વે વિજેતા ઉમેદવારોને અભિનંદન પાઠવ્યા હતા.કચ્છએ છ એ છ બેઠકો પર વિજય પ્રાપ્ત કરી રેકોર્ડ સર્જયો છે.જે બદલ વિજેતા ઉમેદવારો તથા ભાજપાની સમસ્ત ટિમને અભિનંદન આપ્યા હતા અને જનતા જનાર્દને આપેલ સમર્થન બદલ આભાર વ્યક્ત કર્યો હતો.હવે કચ્છના જન પ્રતિનિધિઓ અને ગુજરાત સરકાર સાથે મળી કચ્છ ગુજરાતના વિકાસ કાર્યોને વેગ આપશે.સતત ૭ મી વખત ભાજપના જીતનો રેકોર્ડ સર્જાયો છે.
કેન્દ્ર સરકાર, રાજય સરકારની કામગીરી વડાપ્રધાનનો ગુજરાતનાં પ્રજાજનો પરનો ભરોસો, પ્રદેશ ભાજપા પ્રમુખ સી.આર.પાટીલની સુઝબુઝ, માઇક્રો પ્લાનીંગની આ જીત છે.તેમ વિનોદભાઇ ચાવડાએ જણાવ્યુ હતું.સાંસદ તથા ભાજપા પ્રદેશ મહામંત્રી પ્રદેશ મહામંત્રી વિનોદ ચાવડાને સંગઠન તરફથી તેમને સૌરાષ્ટ્ર ઝોનના પ્રભારી બનાવ્યા હતા.વિવોદભાઇ ચાવડાએ સતત લોક સંપર્ક અને સંગઠન વચ્ચે સંકલન સાંધીને ગુજરાતની ભાજપ સરકારના વિકાસશીલ કાર્યો અને લોકોની તકલીફો જાણી તેમના નિરાકરણ માટે પ્રયત્નશીલ બન્યા હતા.આજે ૪૫ જેવી સીટો ભાજપને મળી છે તેથી તેમણે આનંદ વ્યક્ત કર્યો હતો.તેમના સંસદીય મત ક્ષેત્રની કચ્છ-મોરબીની સાતેય સીટ ઉપર ભવ્ય વિજય મળ્યો છે તેને કાર્યકરોની મહેનતની જીત ગણાવી હતી.
