મોરબીના સાયન્ટિફિક રોડે જાહેરમાં જુગાર રમતા ૧૧ જુગારી પકડાયા
Morbi Today
મોરબીના તળાવિયા સનાળા ગામના રસ્તે બાળકીને ત્યજી દેનાર નિષ્ઠુર માતા સામે ગુનો નોંધાયો
SHARE
JOIN OUR GROUP
મોરબીના તળાવિયા સનાળા ગામના રસ્તે બાળકીને ત્યજી દેનાર નિષ્ઠુર માતા સામે ગુનો નોંધાયો
મોરબી તાલુકાના ઉંચી માંડલ ગામથી તળાવિયા સનાળા ગામ તરફ જવાના રસ્તે ખેત તલાવડી વાળા ખેતરની બાજુમાં કોઈ અજાણી મહિલા નવજાત બાળકીને ત્યજીને નાસી ગઈ હતી જેથી કરીને હાલમાં આ બનાવ સંદર્ભે મોરબી તાલુકા પોલીસ સ્ટેશન ખાતે બાળકીને ત્યજી દેનાર અજાણી મહિલા સામે પોલીસે ગુનો નોંધીને મહિલાને શોધવા માટે તજવીજ શરૂ કરેલ છે
બનાવની જાણવા મળતી માહિતી પ્રમાણે મોરબી તાલુકાના તળાવીયા સનાળા ગામે રહેતા અશોકભાઈ લક્ષ્મણભાઈ કુંડારીયા જાતે પટેલ (ઉંમર ૪૮) એ હાલમાં મોરબી તાલુકા પોલીસ સ્ટેશન ખાતે અજાણી મહિલાની સામે ફરિયાદ નોંધાવેલ છે જેમાં તેમણે જણાવ્યું છે કે મોરબી તાલુકાના ઉંચી માંડલ ગામથી તળાવિયા સનાળા ગામ તરફ જવાના રસ્તે ઘૂટું ગામની સીમમાં વોંકળાની બાજુમાં આવેલ ભુપતભાઈ વિરજીભાઈ ચીખલીયાની ખેત તલાવડી વાળા ખેતર પાસે પડતર ખેતરમાં બાવળની જાળીમાં કોઈ અજાણી મહિલા નવજાત બાળકીને ત્યજીને નાસી ગઈ હતી જેની લોકોને જાણ થતા બાળકીને તાત્કાલિક ૧૦૮ બોલાવીને સારવાર માટે હોસ્પિટલે ખસેડવામાં આવી હતી અને આ બનાવ સંદર્ભે હાલમાં અશોકભાઈ કુંડારીયાની ફરિયાદ લઈને પોલીસે અજાણી મહિલા સામે આઇપીસી કલમ ૩૧૭ મુજબ ગુનો નોંધીને બાળકીને ત્યજી દેનાર મહિલાને શોધવા માટે કવાયત શરૂ કરેલ છે
