મોરબીના સાયન્ટિફિક રોડે જાહેરમાં જુગાર રમતા ૧૧ જુગારી પકડાયા
SHARE
JOIN OUR GROUP
મોરબીના સાયન્ટિફિક રોડે જાહેરમાં જુગાર રમતા ૧૧ જુગારી પકડાયા
મોરબીના કાલિકા પ્લોટ વિસ્તારમાં સાયન્ટિફિક રોડ ઉપર આવેલ વોંકળા પાસે જાહેરમાં જુગાર રમતા આવવાની બાતમી મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવી હતી ત્યારે સ્થળ ઉપર જુગાર રમતા ૧૧ શખ્સો મળી આવ્યા હતા જેથી કરીને પોલીસે ૪૧૦૫૦ ની રોકડ કબજે કરી હતી અને એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરવામાં આવી છે
બનાવની જાણવા મળતી માહિતી મુજબ મોરબીના કાલિકા પ્લોટ વિસ્તારમાં સાયન્ટિફિક રોડ ઉપર આવેલાં વોંકળાના કાઠે જાહેરમાં જુગાર રમતાઓની મોરબી સીટી એ ડિવિઝન પોલીસની ટીમને બાતમી મળી હતી જેના આધારે પોલીસ દ્વારા ત્યાં જુગારની રેડ કરવામાં આવતા ઈસ્માઈલભાઈ હોથીભાઈ ચાનીયા (૭૭), દિનેશભાઈ ચુનીલાલ પારેખ (૬૦), અનિલભાઈ હીરાભાઈ રાજા (૬૨), કિશોરભાઈ ચંદુભાઈ રૂપારેલ (૩૦) નરેન્દ્રભાઈ મનહરલાલ સોલંકી (૫૪), ભગવાનજીભાઈ માયાભાઇ કુંભારવાડીયા (૫૨), રજાકભાઈ સુલેમાનભાઈ કથરોટીયા (૩૪), કરીમભાઈ હુસેનભાઇ ચાનિયા (૫૦), વિજયભાઈ હરિલાલ રાણપરા (૫૩), વિનોદભાઈ નારણભાઈ કોટક (૪૭) અને રહેમતુલ્લા નૂરમહંમદ કુરેશી (૪૬) જુગાર રમતા મળી આવ્યા હતા જેથી પોલીસે તેની પાસેથી ૪૧૦૫૦ ની રોકડ કબજે કરી હતી અને તેની સામે મોરબી સીટી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધીને આગળની રાબેતા મુજબની કાર્યવાહી હાથ ધરવામાં આવેલ છે
