મોરબીના પીપળી પાસે બાઈકની પાછળ બાઇક અથડાતાં અકસ્માત: બે ઇજાગ્રસ્ત યુવાન સારવારમાં
Morbi Today
મોરબીના ઉંચી માંડલ પાસે ડમ્પર ચાલકે કચડી નાખતા ત્રણ વર્ષની બાળકીનું મોત
SHARE
JOIN OUR GROUP
મોરબીના ઉંચી માંડલ પાસે ડમ્પર ચાલકે કચડી નાખતા ત્રણ વર્ષની બાળકીનું મોત
મોરબી નજીકના ઉંચી માંડલ ગામથી તળાવિયા સનાળા ગામ તરફ જવાના રસ્તા ઉપર ડમ્પરના ચાલકે ત્રણ વર્ષની માસુમ બાળકીને હડફેટે લીધી હતી અને તેના પેટના ભાગ ઉપરથી ટ્રકના તોતિંગ વ્હીલને ફેરવી દીધા હતા જેથી કરીને ગંભીર થવાના કારણે બાળકીનું મોત નીપજયું હતું અને અકસ્માતના આ બનાવમાં મૃતક બાળકીની માતાએ ડમ્પર ચાલક સામે મોરબી તાલુકા પોલીસે સ્ટેશને ફરિયાદ નોંધાવતા પોલીસે ગુનો નોંધી આરોપીને પકડવા માટે તજવીજ શરૂ કરેલ છે
બનાવી જાણવા મળતી માહિતી પ્રમાણે મૂળ એમપીના રહેવાસી અને હાલમાં રંગપર ગામની સીમમાં આવેલ શિવમ ઇન્ડસ્ટ્રીઝ નામના કારખાનામાં રહીને ત્યાં મજૂરી કામ કરતા વિમલાબેન સંતુકુમાર પાવ (૨૬)એ ડમ્પર નંબર જીજે ૩ ડબલ્યુ ૮૯૦૩ ના ચાલક સામે ફરિયાદ નોંધાવેલ છે જેમાં તેને જણાવ્યુ છે કે, મોરબી તાલુકાના ઉંચી માંડલ ગામથી તળાવિયા સનાળા જવાના રસ્તા ઉપર તેની દીકરી બીનાક્ષીબેન સંતુકુમાર પાવ (૩) ને ડમ્પરના ચાલકે તળાવિયા સનાળા ગામ બાજુથી આવીને હડફેટ લીધી હતી જેથી કરીને ફરિયાદીની દીકરીને પેટના ભાગે ગંભીર ઇજા થઈ હોવાથી બાળકીનું ઘટના સ્થળે જ મોત નીપજ્યું હતું અને અકસ્માત મૃત્યુના આ બનાવ સંદર્ભે હાલમાં મૃતક બાળકીની માતાએ મોરબી તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધીને આરોપીને પકડવા માટે તજવીજ શરૂ કરેલ છે
