મોરબીની એમ.એમ. સાયન્સ કોલેજની વિદ્યાર્થિનીએ વકતૃત્વ સ્પર્ધામાં રજત પદક મેળવ્યું
Morbi Today
મોરબી અને ચરાડવામાં જુગારની બે રેડ : પાંચ મહિલા સહિત 11 જુગારી ઝડપાયા, બે ફરાર
SHARE
JOIN OUR GROUP
મોરબી અને ચરાડવામાં જુગારની બે રેડ : પાંચ મહિલા સહિત 11 જુગારી ઝડપાયા, બે ફરાર
મોરબી શહેરના વાવડી રોડ ઉપર ગાયત્રીનગર પાસે પ્રભુનગર તેમજ હળવદ તાલુકાના ચરડવા ગામે વાડીની પાસે વોકળા ની બાજુમાં જુગારની જુદી જુદી બે રેડ કરવામાં આવી હતી ત્યારે કુલ મળીને પાંચ મહિલા સહિત 11 જુગારીઓને પકડવામાં આવેલ છે અને બે આરોપી નાસી ગયા હતા આ બંને રેડ દરમિયાન પોલીસે 83,510 રૂપિયાની કિંમતનો મુદ્દામાલ કબજે કર્યો છે અને નાસી છૂટેલા બે જુગારીઓને પકડવા માટે હળવદ પોલીસે તજવીજ શરૂ કરેલ છે.
જાણવા મળતી વિગતો પ્રમાણે મોરબીના વાવડી રોડ ઉપર આવેલ ગાયત્રી નગર પાસે પ્રભુનગરમાં જાહેરમાં જુગાર રમતા હોવાની બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે હેમંતભાઈ કાંતિભાઈ બદ્રકીયા, દયાબેન હરજીવનભાઈ દેત્રોજા, ભાવનાબેન જીતેન્દ્રભાઈ બુધ્ધદેવ, દિવ્યાબેન પ્રાગજીભાઈ પંચાસરા, સોનીબેન અરવિંદભાઈ પરમાર અને ક્રિષ્નાબેન પપ્પુભાઈ પરમાર જુગાર રમતા મળી આવ્યા હતા જેથી કરીને પોલીસે તેઓની પાસેથી 14,910 રૂપિયાની રોકડ કબજે કરી હતી અને મોરબી સીટી એ ડિવિઝન પોલીસ સ્ટેશન ખાતે જુગારધારા હેઠળ ગુનો નોંધી આગળની કાર્યવાહી હાથ ધરવામાં આવી હતી.
જ્યારે હળવદ પોલીસ દ્વારા ચરાડવા ગામે વશરામભાઈ શામજીભાઈ માકાસણાની વાડી પાસે જાહેરમાં વોકળા નજીક જુગાર રમતા હોવાની બાતમી આધારે ત્યાં જુગારની રેડ કરવામાં આવી હતી ત્યારે વશરામભાઈ શામજીભાઈ માકાસણા, મુકેશભાઈ હસમુખભાઈ માકાસણા, રણછોડભાઈ રવજીભાઈ સોનગ્રા, રમેશભાઈ ચુનીલાલ જોબનપુત્રા અને શૈલેષભાઈ રતિલાલ પુજારા જુગાર રમતા મળી આવ્યા હતા જોકે પોલીસને જોઈને મહેશ પ્રભુભાઈ વાઘેલા તેમજ ગોરધનભાઈ ચતુરભાઈ માકાસણા નાસી ગયા હતા જેથી કરીને પોલીસે તે બંનેની સામે પણ જુગારધારા હેઠળ ગુનો નોંધીને તેને પકડવા માટે તજવીજ શરૂ કરેલ છે હાલમાં પકડાયેલા જુગારીઓ પાસેથી પોલીસે 18,600 ની રોકડ, 40 હજાર રૂપિયાની કિંમતના બે બાઈક, 10 હજાર રૂપિયાની કિંમતના બે મોબાઇલ આમ કુલ મળીને 68,600 ની કિંમતમાં મુદ્દા માલ કબજે કરી જુગારધારા હેઠળ ગુનો નોંધી આગળની કાર્યવાહી હાથ ધરેલ છે.
