મોરબીના પીપળી રોડે હરિગુણ રેસીડેન્સીમાં પગ લપસતા પાંચમા માળેથી નીચે પટકાયેલ સગીરનું સારવારમાં મોત
Morbi Today
મોરબીમાં ઘરમાં ઘૂસીને ગાળો આપી માર મારીને છરીની અણીએ મહિલાને ઉપાડી જવાની ધમકી
SHARE
JOIN OUR GROUP
મોરબીમાં ઘરમાં ઘૂસીને ગાળો આપી માર મારીને છરીની અણીએ મહિલાને ઉપાડી જવાની ધમકી
મોરબીના વીસીપરા વિસ્તારની અંદર આવેલ બિલાલી મસ્જિદ પાસે રહેતી પરણીતાના ઘરમાં ઘૂસીને ત્રણ શખ્સો દ્વારા તેને છરી બતાવીને ગાળો આપીને જાનથી મારી નાખવાની ધમકી આપવામાં આવી હતી અને ઢીકાપાટુનો માર મારવામાં આવ્યો હતો તેમજ મહિલાનું બાવડું પકડીને તેને ઉપાડી જવાની ધમકી આપવામાં આવી હતી જેથી હાલમાં ભોગ બનેલ પરણીતાએ મોરબી બી ડિવિઝન પોલીસ સ્ટેશન ખાતે ત્રણ શખ્સોની સામે ફરિયાદ નોંધાવતા પોલીસે ગુનો નોંધી આરોપીઓને પકડવા માટે તજવીજ શરૂ કરેલ છે
બનાવની જાણવા મળતી માહિતી પ્રમાણે મોરબીના વીસીપરા વિસ્તારમાં બિલાલી મસ્જિદ પાસે પ્રજાપતિ કારખાના સામે રહેતા પરિણીતાએ હાલમાં મોરબી બી ડિવિઝન પોલીસ સ્ટેશન ખાતે તોફિકભાઈ ઈબ્રાહીમભાઇ ચાનિયા રહે. પરસોતમ ચોક મોરબી તથા બે અજાણ્યા શખ્સોની સામે ફરિયાદ નોંધાવેલ છે જેમાં તેણે જણાવ્યું છે કે, તેઓ પોતાના ઘરે હતા ત્યારે તેના સાસુ-સસરા પણ ત્યાં હાજર હતા ત્યારે આરોપી તોફીક ઈબ્રાહીમભાઈ ચાનિયા અને તેની સાથે બે અજાણ્યા શખ્સો તેના ઘરમાં આવ્યા હતા અને તેને છરી બતાવીને ગાળો આપી હતી અને જાનથી મારી નાખવાની ધમકી આપી હતી તેમજ જપાજપી કરીને ઢીકા પાટુનો માર માર્યો હતો અને ત્યારે તેને બચાવવા માટે વચ્ચે પડેલા તેના પરિવારજનોને પણ માર માર્યો હતો અને ફરિયાદી મહિલાનું વાવડું પકડીને ઉપાડી જવાની ધમકી આપી હતી જેથી કરીને ભોગ બનેલ પરિણીતા દ્વારા હાલમાં મોરબી બી ડિવિઝન પોલીસ સ્ટેશન ખાતે તોફિકભાઈ ઈબ્રાહીમભાઇ ચાનિયા સહિત ત્રણ શખ્સોની સામે ફરિયાદ નોંધાવવામાં આવતા પોલીસે આઈપીસી કલમ ૩૨૩, ૩૫૪, ૪૪૨, ૫૦૪ ૫૦૬ (૨), ૧૧૪ તથા જીપી એક્ટ ૧૩૫ મુજબ ગુનો નોંધીને આરોપીઓને પકડવા માટે તજવીજ શરૂ કરી છે
