મોરબીમાં ઘરમાં ઘૂસીને ગાળો આપી માર મારીને છરીની અણીએ મહિલાને ઉપાડી જવાની ધમકી
Morbi Today
મોરબીના જુના ઘૂટું રોડે કારખાનાની પાછળના જુગાર રમતા સાત જુગારી પકડાયા
SHARE
JOIN OUR GROUP
મોરબીના જુના ઘૂટું રોડે કારખાનાની પાછળના જુગાર રમતા સાત જુગારી પકડાયા
મોરબીના જુના ઘૂટું રોડ ઉપર આવેલ સીરામીક કારખાનાની પાછળના ભાગમાં જાહેરમાં જુગાર રમતા હોવાની બાતમી મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવી હતી ત્યારે સાત શખ્સો જુગાર રમતા મળી આવ્યા હતા જેથી પોલીસે ૧૦૧૦૦ નો મુદામાલ કબજે કરીને જુગાર ધારા હેઠળ ગુનો નોંધીને આગળની કાર્યવાહી હાથ ધરી હતી.
જાણવા મળતી માહિતી મુજબ મોરબીના જુના ઘૂટું રોડ ઉપર આવેલ આકૃતિ સીરામીકની પાછળના ભાગમાં જાહેરમાં જુગાર રમતા હોવાની મોરબી તાલુકા પોલીસને બાતમી મળી હતી જેના આધારે પોલીસે ત્યાં જુગારની રેડ કરી હતી ત્યારે ઉદીત નારાયણ પ્રજાપતિ, રામબલ્લી રસપાલ રઈદાસ, આનંદકુમાર નવાબસિંઘ કુસ્વાહા, નીતિનકુમાર રામપાલસિંહ સિસોદિયા, નીરજ ભૈયાલાલ પરિહાર, રાજકુમાર મીશ્રીલાલ કોરી અને સુજીતકુમાર રમેશકુમાર સોનકર જુગાર રમતા મળી આવ્યા હતા જેથી કરીને પોલીસે તેઓની પાસેથી રૂા.૧૦,૧૦૦ ની રોકડ કબજે કરી હતી અને તેની સામે મોરબી તાલુકા પોલીસ સ્ટેશન ખાતે જુગાર ધારા હેઠળ ગુનો નોંધી આગળની કાર્યવાહી હાથ ધરવામાં આવી હતી.
યુવાન સારવારમાં
મોરબીના સામાકાંઠે ભડીયાદ રોડ ઉપર આવેલ જવાહર સોસાયટીમાં રહેતો કમલેશ તુલસીભાઈ ચૌહાણ નામનો ૩૨ વર્ષનો યુવાન તેના ઘેર ફળિયા પાસે આવેલ પાંચેક ફૂટ ઊંચી દીવાલ ઉપરથી નીચે પડી જતા માથાના ભાગે ઈજા થવાથી તેને સિવિલ હોસ્પિટલે સારવાર માટે લાવવામાં આવ્યો હતો જેથી બી ડિવિઝન પોલીસ મથકના જગદીશભાઈ ડાંગર દ્વારા નોંધ કરી આ અંગે તપાસ ચલાવવામાં આવી રહી છે.
મારામારીમાં ઈજા
મૂળ ઉત્તર પ્રદેશનો અને હાલ અમદાવાદના વિરાટનગર વિસ્તારમાં રહેતો અંકિત આદિતભાઈ પરમાર નામનો ૨૨ વર્ષનો યુવાન મોરબી તાલુકાના ભરતનગર ગામે આવ્યો હતો અને ત્યાં નજીકની વાતે મારામારીના બનાવમાં ઈજા થતાં તેને સિવિલે સારવાર માટે લાવવામાં આવ્યો હતો.તેમજ મોરબીના વીસીપરા વિસ્તારમાં રહેતા અબ્દુલ કરીમભાઈ બેલીમ નામના ૬૩ વર્ષના વૃદ્ધ બેલ સિરામિક જાંબુડીયા પાસેથી બાઈકમાં જતા હતા ત્યારે રસ્તામાં તેઓનું બાઈક સ્લીપ થઈ ગયું હતું તેઓ કામ પરથી પરત ઘરે જતા હતા ત્યારે રસ્તામાં બાઈક સ્લીપ થઈ જવાના બનેલ બનાવવામાં ઘવાયેલ અબ્દુલભાઈને સારવારમાં ખસેડ્યા હતા તાલુકા પોલીસ મથકના મણીભાઈ ગામેતી દ્વારા તપાસ ચલાવવામાં આવી રહી છે.
