મોરબીમાં ઇન્ડિયન ઓવરસીઝ બેન્કના એટીએમ મશીન, પાસબુક પ્રિન્ટર મશીન અને યુપીએસ સહિતની વસ્તુઓમાં તોડફોડ
Morbi Today
મોરબી નજીક થયેલ ૨૯ લાખની લૂંટના ગુનામાંવધુ એક આરોપીની ધરપકડ
SHARE
JOIN OUR GROUP
મોરબી નજીક થયેલ ૨૯ લાખની લૂંટના ગુનામાંવધુ એક આરોપીની ધરપકડ
મોરબીના પીપળી ગામ પાસેથી ૨૯ લાખની લૂંટ કરવામાં આવી હતી જે ગુનામાં અગાઉ સાત આરોપીઓને પકડવામાં આવ્યા હતા અને તે તમામ આરોપીઓને હાલમાં જેલ હવાલે કરવામાં આવ્યા છે ત્યારે મોરબી તાલુકા પોલીસની ટીમે આ ગુનામાં જે તે સમયે લૂંટ કરવામાં આવી હતી ત્યારે સાથે રહેલા વધુ એક આરોપીને પકડવામાં આવેલ છે અને તેના રિમાન્ડ લેવા માટેની તજવીજ શરૂ કરવામાં આવી છે
થોડા દિવસો પહેલા મોરબી નજીકના પીપળી ગામે રહેતો ચંદ્રેશભાઇ સવજીભાઈ શિરવી (૩૬) પોતાનું કામકાજ કારખાને પૂરું કરીને પોતાના ઘર તરફ જતો હતો ત્યારે પીપળી ગામ પાસે આવેલ આશ્રમ નજીક તેના બાઇકને અજાણી કારમાં આવેલા ત્રણ શખ્સોએ ઠોકર મારી હતી અને ત્યાર બાદ ચંદ્રેશભાઇને ઢીકાપાટુનો માર મારીને તેની પાસેથી રોકડા ૨૯ લાખ ભરેલ થેલો લઈને આરોપીઓ કારમાં નાસી ગયા હતા જેની લૂંટની ફરિયાદ નોંધાઇ હતી તેના આધારે પોલીસે આ ગુનામાં મયુરસિંહ દિલીપભાઈ ડોડીયા જાતે કારડીયા રાજપુત (૨૮), શક્તિસિંહ ઉર્ફે ભાણો નીનુભા ગોહિલ જાતે કારડીયા રાજપુત (૨૯), મહિપાલસિંહ અભેસંગ ગોહેલ જાતે કારડીયા રાજપુત (૨૭), રાજેન્દ્રસિંહ ઉર્ફે રાજભા દિલીપભાઈ લીબોલા (૨૮), દશરથ ઉર્ફે લાદેન જીલુભાઈ પરમાર (૨૮), ભગવાન ઉર્ફે ભગો કરસનભાઈ રબારી (૩૦) અને અર્જુનગીરી નારદગીરી ગોસાઈ (૨૧)ને પકડાયા હતા અને તેની પાસેથી લૂંટમાં ગયેલ તમામ રકમને રિકવર કરેલ છે અને અન્ય મુદામાલ પણ કબજે કરેલ હતો જે આરોપીઓને જેલ હવાલે કરવામાં આવેલ છે અને આ ગુનામાં બાકી રહેલા એક આરોપીને પકડવા માટે તજવીજ ચાલુ હતી દરમ્યાન મોરબી તાલુકા પોલીસની ટીમે આરોપી મનીષ અશોકભાઇ સોલંકી જાતે દેવીપૂજક (૨૬) રહે. રુદ્ર ભૂમિ સોસાયટી, થાન રોડ ચોટીલા વાળાની ધરપકડ કરેલ છે અને તેને આજે કોર્ટમાં રજૂ કરવામાં આવશે
