મોરબીમાં ખાણ ખનીજ વિભાગની રાજકોટ ફ્લાઈંગ સ્કવોડ દ્વારા એક વાહન પકડાયા બાદ સ્થાનિક અધિકારી જાગ્યા !
Morbi Today
મોરબીમાં ઇન્ડિયન ઓવરસીઝ બેન્કના એટીએમ મશીન, પાસબુક પ્રિન્ટર મશીન અને યુપીએસ સહિતની વસ્તુઓમાં તોડફોડ
SHARE
JOIN OUR GROUP
મોરબીમાં ઇન્ડિયન ઓવરસીઝ બેન્કના એટીએમ મશીન, પાસબુક પ્રિન્ટર મશીન અને યુપીએસ સહિતની વસ્તુઓમાં તોડફોડ
મોરબીના સરદાર રોડ ઉપર આવેલી બેંકના એટીએમ મશીન સ્ક્રીનમાં તેમજ પાસબુક પ્રિન્ટર મશીનમાં અને યુપીએસમાં તોડફોડ કરવામાં આવી હોવાની મેનેજર દ્વારા પોલીસમાં ફરિયાદ નોંધાવવામાં આવતા પોલીસે આ અંગે નોંધ કરી આગળની તપાસ હાથ ધરી છે.
જાણવા મળતી માહિતી મુજબ મોરબીના મહાદેવ હાઇટ્સ નરસંગ સોસાયટી રવાપર રોડ મોરબી ખાતે રહેતા ઇન્ડિયન ઓવરસીઝ બેન્કના મેનેજર હનુમંત અંકુશભાઈ સોલવંકર (ઉંમર ૩૭) દ્વારા એ ડિવિઝન પોલીસ મથકમાં જાણ કરી જણાવવામાં આવ્યું હતું કે, ગત તા.૨૫ ડિસેમ્બરના રાત્રિના ૧૦:૩૦ વાગ્યાના અરસામાં સરદાર રોડ ઉપર આવેલ ઇન્ડિયન ઓવરસીઝ બેન્કના એટીએમ મશીનમાં અજાણ્યા શખ્સ દ્વારા તોડફોડ કરવામાં આવી હતી.વધુમાં મેનેજર હનુમંત સોલવંકર દ્વારા જણાવવામાં આવ્યા મુજબ તેઓની બેંકના એટીએમ રૂમમાં આવેલ એટીએમ મશીનની સ્ક્રીનમાં અજાણ્યા શખ્સ દ્વારા તોડફોડ કરવામાં આવી હતી તેમજ રૂમમાં રહેલ પાસબુક પ્રિન્ટ કરવાનું મશીન નીચે પાડી દઈને તેમજ બાજુમાં પડેલ યુપીએસને નીચે પાડી દઈને ઇરાદાપૂર્વક તોડફોડ કરીને બેંકને રૂા.૪૦ હજારનું નુકસાન કરવામાં આવ્યું હતું.હાલ ફરિયાદ નોંધાતા એ ડિવિઝન પોલીસ મથકના એ.એમ.જાપડીયા દ્વારા બેંક એટીએમ મશીનના રૂમના સીસીટીવી ફૂટેજના આધારે અજાણ્યા શખ્સની સુધી પહોંચવા માટે આગળની તજવીજ હાથ ધરી છે.
ઝેરી દવા પી લેતા સારવારમાં
મૂળ બોટાદના રહેવાથી મિથુન ભલાભાઇ પરમાર નામના ૧૯ વર્ષના યુવાને મોરબીના ટંકારા તાલુકામાં આવેલા બંગાવડી ગામે કોઈ અગમ્ય કારણોસર ઝેરી દવા પી લીધી હતી.જેથી કરીને તેને સારવાર માટે મોરબીની ક્રિષ્ના હોસ્પિટલમાં સારવાર માટે લાવવામાં આવ્યો હતો જ્યાંથી બનાવની એ ડિવિઝન પોલીસને જાણ કરવામાં આવતા એ ડિનિઝન પોલીસ મથકના હરેશભાઈ ચાવડા દ્વારા બનાવના કારણ અંગે આગળની તપાસ શરૂ કરવામાં આવી છે.
વાહન અકસ્માતમાં ઇજા
મોરબીના વીસીપરામાં આવેલ વીસીપરાના ઢાળીયા પાસેથી ગઈકાલે વહેલી સવારના સાતેક વાગ્યાના અરસામાં ઇજાગ્રસ્ત હાલતમાં રામુભાઈ નામના ઉમર વર્ષ આશરે ૫૦ વર્ષના આધેડને ૧૦૮ વડે અત્રેની સિવિલે સારવાર માટે લાવવામાં આવ્યા હતા જ્યાં તેઓને પ્રાથમિક સારવાર આપીને વધુ સારવાર માટે રાજકોટ ખસેડાયા હોવાનું જાણવા મળેલ છે.
