મોરબી : માળીયા (મિં.) માં નવોઢાએ ભુલથી કપાસમાં છાંટવાની દવા પી લેતા સારવારમાં

મોરબી જીલ્લાના માળીયા(મિં.) માં રેલ્વે કોલોની વિસ્તારમા રહેતી રોઝમીનબેન સાહીદભાઇ કટીયા જાતે મિંયાણા (ઉ.વ.૨૨) તા.૧૧-૯ ના બપોરના દોઢ વાગ્યાના અરસામાં પોતાન ઘરે પતિ તથા સાસુ-સસરા સાથે હાજર હતા અને જમીને ઉભા થતા તેણીના પતિએ તેને કહેલ કે જમી લીધુ હોય તો ચક્કરની દવા પી લે જે. તેમ જણાવતા રોઝમીનબેને ખાટલા ઉપર પડેલ બોટલમાંથી એકાદ ઘુટડો દવાનો ભરીને પી લીધો હતો જે તેના પતિ જોઇ જતા કહેલ કે આ દવા કપાસમા છાંટવાની દવા હતી તેથી ચકકપની દવાને બદલે ભુલથી કપાસમાં છાંટવાની દવા પીધેલ રોઝમીનબેને પી લીધી બોય અને તેની અસર થતા તેણીને પ્રથમ માળીયાની સરકારી હોસ્પીટલે અને ત્યારબાદ મોરબીની મંગલમ હોસ્પીટલે ખસેડાયા હતા. ભોગ બનનાર પરણીતાનો લગ્ન ગાળો બે મહીનાનો જ હોય બનાવ અંગે ડીવાયએસપીના માર્ગદર્શન હેઠળ માળીયા પોલીસે તપાસ હાથ ધરી છે.

બગથળા-જેપુરના રસ્તે બિયરના બાર ટીન સાથે બાઈક મળ્યું, બુટલેગર છનનન

મોરબી તાલુકા પોલીસ મથકના મહિલા એએસઆઈ એન.જે.ખીયા તથા તેમના રાઇટર દિલીપભાઇ ગેડાણી નાઇટ રાઉન્ડમાં હતા ત્યારે ગત રાત્રીના સાડા અગીયારક વાગ્યાના અરસામાં બગથળાથી જેપુર ગામે જવાના રસ્તેથી નિકળેલા બાઈકને રોકવા પ્રયાસ કરતા હીરો હોન્ડા પેશન પ્લસ બાઇક નંબર જીજે ૧૧ કયું ૩૭૪૪ નો ચાલક બાઇકને રેઢું મૂકીને ભાગી છૂટ્યો હતો.બાદમાં પોલીસે બાઇકની ઝડતી લેતા બાઇકમાંથી બીયરના ૧૨ ટીન મળી આવતા રૂપિયા ૧૨૦૦ ની કિંમતનો બીયર તેમજ રૂપિયા ૧૦ હજારનું બાઈક મળીને કુલ રૂા.૧૧,૨૦૦ નો મુદ્દામાલ જપ્ત કરી )ને બાઇક નંબરને આધારે ભાગી છૂટેલા બુટલેગરની શોધખોળ હાથ ધરી છે.

પાનેલી ગામે મારામારી

મોરબીના વાંકાનેર હાઇવે ઉપર આવતા પાનેલી ગામે ગત રાત્રીના સાડા અગિયારેક વાગ્યે મારામારીનો બનાવ બન્યો હતો જેમાં કરમશીભાઈ મનજીભાઈ ચંદ્રેશાણીયા નામના ચાલીસ વર્ષના યુવાનને ઇજાઓ પહોંચતાં તેને અહીંની સિવિલ હોસ્પિટલ ખાતે સારવારમાં લઇ જવાયો હતો. બનાવની જાણ થતાં મોરબી તાલુકા પોલીસ મથકના એ.એમ.ઝાપડિયાએ આગળની તપાસ હાથ ધરી છે.