મોરબી જીલ્લામાં કોરોનાના સોમવારે ૧૧ પોઝીટીવ કેસ

મોરબી જીલ્લામાં કોરોનાના કેસ ધીમેધીમે કરતાં વધી રહ્યા છે અને જયારે વધુ સેમ્પલ લેવામાં આવે છે ત્યારે કેસની સંખ્યા વધુ આવે છે અને જયારે ઓછા સેમ્પલ લેવામાં આવે છે ત્યારે દૈનિક કેસની સંખ્યા ઓછી આવે છે સોમવારે મોરબી જીલ્લામાં કોરોનાના ૧૧ પોઝિટિવ કેસ નોંધાયેલ છે જેથી કરીને આજની તારીખે જીલ્લામાં કોરોનાના એક્ટિવ કેસની સંખ્યા ૧૫૮ થયેલ છે

હાલમાં આરોગ્ય વિભાગમાંથી આવેલ માહિતી મુજબ સોમવારે મોરબી તાલુકામાં ૮, મોરબી શહેરમાં ૨ અને માળીયા તાલુકામાં ૧ કેસ આવેલ છે અને આજની તારીખે જીલ્લામાં કોરોનાના ૧૫૮ એક્ટિવ કેસ છે જે દર્દીઓની સારવાર ચાલી રહી છે મોરબી જિલ્લામાં કોરોના પોઝિટિવ કેસની સંખ્યામાં છેલ્લા દિવસથી સતત વધી રહી છે જો કે, લોકો હવે તેને ગંભીરતાથી લેતા નથી તે પણ હક્કિત છે અત્રે ઉલેખનીય છે કે, છેલ્લા દિવસોમાં જે લોકોને કોરોના પોઝિટિવ આવ્યો હતો તેમાંથી સફળ સારવાર મળી જતાં ૨૭ લોકોને ડિસ્ચાર્જ આપવામાં આવ્યું છે