મોરબીથી હરિયાણા મોકલાવેલ ૫.૧૬ લાખના કોલસાને સગેવગે કરનારા ત્રણ આરોપીની ધરપકડ
Morbi Today
મોરબીમાં વ્યાજના ચક્રમાં ફસાયેલા યુવાનને મારી નાખવાની ધમકી આપવાના ગુનામાં ચાર પૈકી બે આરોપીની ધરપકડ
SHARE
JOIN OUR GROUP
મોરબીમાં વ્યાજના ચક્રમાં ફસાયેલા યુવાનને મારી નાખવાની ધમકી આપવાના ગુનામાં ચાર પૈકી બે આરોપીની ધરપકડ
મોરબીમાં યુવાને તેના મિત્ર સાથે હરવા ફરવા અને ખાવા પીવાની મોજ કરવામાં જે રૂપિયા ખર્ચ કર્યા હતા તે ૭૦૦૦ તેની પાસેથી એકી સાથે માંગ્યા હતા જેથી કરીને યુવાને વ્યાજે પૈસા લીધા હતા અને ત્યાર બાદ તે વ્યાજના ચક્રમાં ફસાઈ ગયો છે અને યુવાને ચાર વ્યાજખોરની સામે ફરિયાદ નોંધાવી હતી જેના આધારે પોલીસે ચાર પૈકીનાં બે આરોપીની હાલમાં ધરપકડ કરેલ છે
મોરબીમાં કામધેનુ પાર્ટી પ્લોટ પાસે આવેલ શિવમ એપાર્ટમેન્ટના ફ્લેટ નં-૩૦૩ માં રહેતો અને ટાઇલ્સ કટીંગના કારખાનામાં ભાગીદાર ભવ્ય ભરતભાઈ ઘોડાસરા જાતે પટેલ (૧૯) એ સીટી એ ડિવિઝન પોલીસ સ્ટેશન ખાતે પ્રિન્સ જાલરીયા મૂળ. લૂંટાવદર, અભિષેકભાઈ સોઢીયા રહે. વાવડી, રાકેશ બોરીચા અને ચેતન સામતભાઈ જેઠા રહે. વાવડી ગામ વાળાની સામે ફરિયાદ નોંધાવી હતી જેમાં જણાવ્યું હતું કે, તેના મિત્ર સાવન રાજપરાએ તેની પાછળ હરવા ફરવા તથા જમવા માટે જે ખર્ચ કર્યો હતો તે રકમ ૭૦૦૦ રૂપિયા માંગ્યા હતા જે તેની પાસે ન હોવાથી આ યુવાને પ્રિન્સ ઝાલરીયા અને અભિષેક સોઢીયા પાસેથી રોકડા ૧૦૦૦૦ રૂપિયા વ્યાજે લીધા હતા જેની સામે પ્રિન્સ ઝાલરીયાને વ્યાજ, મુદ્દલ અને પેનલ્ટીની રકમ કરીને ૨૫૦૦૦ રૂપિયા પાછા આપી દીધા હતા
ત્યારબાદ ફરી પાછા પ્રિન્સ ઝાલરીયા અને અભિષેક સોઢીયા પાસેથી ૩૦૦૦૦ રૂપિયા વ્યાજે લીધા હતા અને તેની સામે વ્યાજ, મુદ્દલ અને પેનલ્ટી ગણીને પોતાના ગૂગલ પેમેન્ટમાંથી ૩,૧૫,૭૨૫ અને તેના પિતાના આઇડીબીયાઈ બેન્કના એકાઉન્ટમાંથી ગુગ્લ પે ટ્રાન્જેક્શન કરી એક લાખ રૂપિયા ચૂકવી દીધા છે તેમ છતાં પણ આ બંને શખ્સો દ્વારા તેની પાસેથી અવારનવાર રૂપિયાની માંગણી કરવામાં આવતી હતી અને તેને જાનથી મારી નાખવાની તેમજ તેના ભાઈને ઉપાડી લેવાની ધમકી આપતા હતા જે ગુનામાં એ ડિવિઝનના મહીલા પીએસઆઇ પુષ્પાબેન સોનારા દ્વારા આઇપીસી કલમ ૩૮૪ અને ૫૦૬(૨) ના ગુના હેઠળ અભિષેક દેવજીભાઈ સોઢિયા જાતે આહિર (૨૨) રહે. નાની વાવડી અને પ્રિન્સ વિરેન્દ્રભાઈ ઝાલરીયા જાતે પટેલ (૧૯) રહે. ભગવતી પાર્ક નાની વાવડી તાલુકો મોરબી વાળાની ધરપકડ કરી છે અને વધુમાં પોલીસે જણાવ્યુ છે કે, આ ગુનામાં હજુ રાકેશ બોરીચા અને ચેતન સામતભાઈ જેઠા નામના બે આરોપીઓને પકડવા માટે તજવીજ ચાલુ છે
