મોરબીની મહિલા સહિત બે ની અમદાવાદના વેજલપુરમાં નોંધાયેલ અપહરણના ગુનામાં ધરપકડ
Morbi Today
હળવદના કડિયાણા નજીક નીલગાયનો શિકાર કરવા રાખ્યા પગારદાર !: વાડીના માલિક સહિત ચાર શખ્સો સામે ફરિયાદ
SHARE
JOIN OUR GROUP
હળવદના કડિયાણા નજીક નીલગાયનો શિકાર કરવા રાખ્યા પગારદાર !: વાડીના માલિક સહિત ચાર શખ્સો સામે ફરિયાદ
હળવદ તાલુકાના કડિયાણા ગામની સીમમાં ગેરકાયદે નીલગાય (રોજડા)નો શિકાર કરવામાં આવતો હોવાની ફરિયાદ ગામના લોકો દ્વારા કરવામાં આવી હતી જેથી કરીને ફોરેસ્ટ વિભાગના અધિકારીઓને સાથે રાખીને ગામના લોકોએ રેડ કરી હતી ત્યારે રોજડાનો શિકાર કરીને માંસ મટન જુદુ કરતા બે શખ્સને રંગે હાથે પકડ્યા હતા ત્યાર બાદ વાડીના માલિક અને તેના દીકરાને ત્યાં બોલાવવામાં આવ્યા હતા અને હલવામાં આ ચારેય શખ્સોની સામે વન્યપ્રાણી સંરક્ષણ અધિ. ૨૦૨૨ ની કલમ ૨(૧૬), (૧૭), (૨૦), (૨૧), (૩૧), (૩૬), (૩૭), ૯, ૩૯, ૫૦, ૫૧, ૫૨ અને ભારતીય વન અધિનિયમ ૧૯૨૭ ૨૬ (ઘ) ડી, ૨૬ (ટ) આઈ મુજબ ફરીયાદ નોંધીને ફોરેસ્ટ વિભાગના અધિકારી દ્વારા આગળની કાર્યવાહી કરવામાં આવી છે.
મોરબી જિલ્લાના હળવદ તાલુકાનાં કડિયાણા ગામની સીમમાં આવેલ જેઠાભાઇ પટેલ લાતી વાળાની વાડીએ શિકારી ગેંગ હોવાની માહિતી કડિયાણા ગામના લોકોને મળી હતી જેથી કરીને વિશ્વ હિન્દુ પરિષદના આગેવાનો અને ફોરેસ્ટ વિભાગના અધિકારીઓને સાથે રાખીને કડિયાણા ગામની સીમમાં આવેલ જેઠાભાઇ પટેલની વાડીએ રેડ કરી હતી ત્યારે નીલગાયનો શિકાર કરવામાં આવ્યો હોવાનું સામે આવ્યું હતું જેથી સ્થળ ઉપરથી શિકાર કરવા માટે ઉપયોગમાં લેવામાં આવતી બારબોરનું બંદૂક, ગાડી, બે બાઇક સહિતનો મુદામાલ કબજે કરીને વાડીના માલિક સહિત ચાર શખ્સોની વન વિભાગના અધિકારી દ્વારા ધરપકડ કરવામાં આવી હતી.
નીલગાયનો શિકાર કરેલ હાલતમાં બે શખ્સ રંગે હાથે પકડાયા હતા જેથી કરીને ફોરેસ્ટ વિભાગના અધિકારી દ્વારા તમામ મુદામાલને કબજે કરીને વાડીના માલિક જેઠાભાઈ મનજીભાઇ પટેલ, તેના દીકરા પ્રવીણભાઈ જેઠાભાઈ પટેલ, મંજૂરહુસેન આમદભાઈ જામ અને ફારુક નિઝામ મોવર સામે વન્યપ્રાણી સંરક્ષણ અધિ. ૨૦૨૨ ની કલમ ૨(૧૬), (૧૭), (૨૦), (૨૧), (૩૧), (૩૬), (૩૭), ૯, ૩૯, ૫૦, ૫૧, ૫૨ અને ભારતીય વન અધિનિયમ ૧૯૨૭ ૨૬ (ઘ) ડી, ૨૬ (ટ) આઈ મુજબ ગુનો નોંધીને આગળની કાર્યવાહી કરવામાં આવી છે અત્રે ઉલેખનીય છે કે, વાડીના માલિકે રોજડાનો શિકાર કરવા માટે ૬૦૦૦૦ ના માસિક પગારથી બે શખ્સોને વાડીએ શિકાર કરવા રાખ્યા હોવાનું પ્રાથમિક તપાસમાં સામે આવ્યું છે ત્યારે ફોરેસ્ટ વિભાગ સ્થળ ઉપરથી નર નિલગાયનું માસ, અવયવ અને ચામડા તેમજ એક બાર બોરનું હથિયાર, મહિન્દ્રા ગાડી, બે બાઈક સહિતનો મુદ્દામાલ કબજે કર્યો હતો અને જે ચાર આરોપીને પકડવામાં આવ્યા હતા તેને કોર્ટમાં રજૂ કરવામાં આવતા આગામી તા ૨૦ સુધી ચારેય આરોપીઓને જેલ હવાલે કરવામાં આવેલ છે.
