મોરબીમાં બાળકી સાથે દુષ્કર્મના ગુનામાં આરોપીને ૨૦ વર્ષની સજા
SHARE
JOIN OUR GROUP
મોરબીમાં બાળકી સાથે દુષ્કર્મના ગુનામાં આરોપીને ૨૦ વર્ષની સજા
મોરબીના સામાકાંઠે વિસ્તારમાં રહેતી બાળકી ઉપર વર્ષ ૨૦૨૦ માં દુષ્કર્મ આચરવામાં આવ્યું હતું જેની બી ડિવિઝન પોલીસ સ્ટેશને ફરિયાદ નોંધાઈ હતી અને આરોપીની ધરપકડ કરવામાં આવી હતી આ કેસ મોરબીની સ્પેશ્યલ પોક્સો કોર્ટેમાં ચાલી ગયો હતો જેમાં આરોપીને કોર્ટે ૨૦ વર્ષની સજા ફટકારી છે.
મોરબીના ધરમપુર રોડ ઉપર આવેલ સોસાયટીમાં રહેતા મૂળ યુપીના પરિવારની પાંચ વર્ષની માસુમ બાળકી સાથે દુષ્કર્મ આચરવામાં આવ્યું હતું જેની બાળકીની માતાએ ફરિયાદ નોંધાવી હતી તેના આધારે બી ડિવિઝન પોલીસે આરોપી રવિ પરમસુખ બધેલની ધરપકડ કરી હતી જે કેસ મોરબી સ્પેશ્યલ પોક્સો કોર્ટમાં ચાલી ગયો હતો ત્યારે સરકારી વકીલ સંજયભાઈ દવે દ્વારા ૧૨ મૌખિક અને ૨૩ દસ્તાવેજી પુરાવા રજૂ કરવામાં આવ્યા હતા તેને ધ્યાને લઈને આરોપી રવિ પરમસુખ બધેલને ૨૦ વર્ષની સજા અને ૨૩ હજારનો દંડ કર્યો છે અને ભોગ બનેલ બાળકીને ચાર લાખનું વળતર અને આરોપી દંડની રકમ ભારે તો તે પણ બાળકીને આપવા માટેનો આદેશ કર્યો છે.
