મોરબીમાં વરિયા પ્રજાપતિ શિક્ષણ સમિતિ દ્વારા વિદ્યાર્થીઓના સન્માન સમારોહ માટે તૈયારી
Morbi Today
મોરબીમાં વૃદ્ધ પાસેથી જેલમાં બેઠા બે લાખની ખંડણી માંગનાર ડાડો જેડાની ધરપકડ
SHARE
JOIN OUR GROUP
મોરબીમાં વૃદ્ધ પાસેથી જેલમાં બેઠા બે લાખની ખંડણી માંગનાર ડાડો જેડાની ધરપકડ
મોરબીના વીસીપરામાં રહેતા વૃદ્ધ પાસે જેલમાંથી ફોન કરીને રૂપિયા બે લાખ આપી દેજે નહિંતર પેરોલ ઉપર છુટીશ ત્યારે સારા વાના નહીં રહે જાન મારી નાખીશ. તેવી ધમકી આપવામાં આવી હતી જે ગુનામાં અગાઉ એક આરોપીને પકડીને જેલ હવાલે કરવામાં આવ્યો હતો અને જેલમાં બેઠા બેઠા જે શખ્સ દ્વારા ફોન કરીને ખંડણી માંગી હતી જેનો કોર્ટમાંથી ટ્રાન્સફર વોરંટના આધારે બી ડિવિઝન પોલીસે કબજો લઈને આરોપીની ધરપકડ કરીને તેની પૂછપરછ હાથ ધરવામાં આવી છે
મોરબીના વીસીપરામાં રમેશ કોટર મીલ પાસે રહેતા અને લાકડાનો ધંધો કરતા હરગોવિંદભાઈ દયારામભાઇ ચૌહાણ જાતે સતવારા (૬૨)એ અલ્લારખા તાજમામદ જેડા અને જેલમાં બંધ તેના ભાઈ ડાડો તાજમામદ જેડા સામે ફરિયાદ નોંધાવી હતી જેમાં જણાવ્યુ હતું કે, તેના ડેલે અલ્લારખા તાજમામદ જેડા ચાલુ ફોન લઈને આવ્યો હતો અને તેના ફોનમાં જેલમાં બેઠેલ ડાડો તાજમામદ જેડાએ તેની સાથે વાત કરી હતી ને બેફામ ગાળો આપી હતી અને ત્યાર બાદ રૂપિયા બે લાખની ફરિયાદી પાસે ખંડણી માગી હતી અને જો પૈસા નહીં આપે તો પેરોલ ઉપર છૂટ્યા બાદ જાનથી મારી નાખીશ તેવી ધમકી આપી હતી જેથી હરગોવિંદભાઈ ચૌહાણની ફરિયાદ લઈને પોલીસે અગાઉ આરોપી અલ્લારખા તાજમામદ જેડાની ધરપકડ કરી હતી અને તેને કોર્ટમાં રજૂ કરીને જેલ હવાલે કર્યો હતો જો કે, આ ગુના સબ જેલમાં રહેલા ડાડો તાજમામદ જેડાને પકડવાનો બાકી હતો દરમ્યાન ડાડુ ઉર્ફે ડાડો ઉર્ફે રફીક તાજમામદ જેડા જાતે મિયાણા (૩૩) રહે. હાલ સબ જેલ મોરબી વાળાનો કોર્ટમાંથી ટ્રાન્સફર વોરંટના આધારે મોરબી બી ડિવિઝન પીઆઇ પી.એ. દેકાવાડિયા દ્વારા કબજો લઈને આગળની પૂછપરછ કરવામાં આવી રહી છે ત્યારે ખરેખર જેલમાં રહેલા આરોપી પાસે મોબાઈલ ફોન આવ્યો કયાથી તે દિશામાં પોલીસે તપાસ શરૂ કરી છે
