મોરબીમાં મુસ્કાન વેલફેર સોસાયટી દ્વારા વધુ એક ઉમદા પ્રવૃત્તિ
Morbi Today
મોરબી ખાતે કલેકટરની હાજરીમાં સફળતા મેળવનાર વિદ્યાર્થીઓને ટેબલેટ, ટેલિસ્કોપ, ડ્રોન, એડવાન્સ ટેકનોલોજી કીટ અર્પણ કરાયા
SHARE
JOIN OUR GROUP
મોરબી ખાતે કલેકટરની હાજરીમાં સફળતા મેળવનાર વિદ્યાર્થીઓને ટેબલેટ, ટેલિસ્કોપ, ડ્રોન, એડવાન્સ ટેકનોલોજી કીટ અર્પણ કરાયા
ગુજરાત કાઉન્સિલ ઓન સાયન્સ એન્ડ ટેકનોલોજી ગાંધીનગર દ્રારા સ્ટેમ ક્વિઝનું આયોજન કરવામાં આવ્યું હતું જેમાં મોરબી જીલ્લામાંથી ૧૨,૫૦૦ થી વધુ ધોરણ ૯ થી ૧૨ ના વિદ્યાર્થીઓએ ભાગ લીધેલો હતો.જેમાં મોરબી જીલ્લાના તાલુકા મથકોમાંથી ૧૦ વિદ્યાર્થીઓની પસંદગી થઈ હતી જેઓ અમદાવાદ સાયન્સ સિટી ખાતે સ્ટેમ ક્વિઝ રમવા ગયેલા હતા.જે બદલ ગુજરાત કાઉન્સિલ ઓન સાયન્સ એન્ડ ટેકનોલોજી ગાંધીનગર દ્વારા વિદ્યાર્થીઓને સેમસંગ ટેબ્લેટ, ટેલિસ્કોપ, ડ્રોન, એડવાન્સ ટેકનોલોજી કિટ્સ આપેલી હતી.જેનું મોરબી ખાતે ગુજરાત કાઉન્સિલ ઓન સાયન્સ એન્ડ ટેકનોલોજી ગાંધીનગર દ્રારા સંચાલિત "આર્ય ભટ્ટ" લોક વિજ્ઞાન કેન્દ્ર મોરબી દ્વારા મોરબી જીલ્લા કલેકટર પંડ્યા તેમજ જીલ્લા શિક્ષણ અધિકારી રાણીપા, વિજ્ઞાન કેન્દ્રના સંચાલક એલ.એમ.ભટ્ટ, વિજ્ઞાન કેન્દ્રના જીલ્લા કો-ઓર્ડીનેટર દિપેન ભટ્ટ તેમજ ધી વી.સી.ટેક.હાઈ સ્કુલના પ્રિન્સીપાલ પડસુંબિયાની અધ્યક્ષતામાં વિતરણ કરવામાં આવ્યું હતું.વધુમાં મોરબી જીલ્લાના દરેક તાલુકામાંથી ચાર વિદ્યાર્થી ફરી રાજ્ય કક્ષાએ આવનારા સમયમા સ્ટેમ ક્વિઝ રમવા જશે તે બદલ મોરબી જીલ્લા કલેકટર પંડ્યા અને જીલ્લા શિક્ષણ અધિકારી રાણીપા દ્વારા વિદ્યાર્થીને શુભેચ્છા પાઠવી હતી.
