મોરબીના નવા બસ સ્ટેશનનું ગુરૂવારે રાજ્યના ગૃહમંત્રી હર્ષ સંઘવી કરશે લોકાર્પણ
Morbi Today
મોરબીની અંકુર સોસાયટીના રહેણાંક મકાનમાંથી વિદેશી સિગારેટના ૧૬૯ પેકેટ સાથે એક શખ્સ ઝડપાયો
SHARE
JOIN OUR GROUP
મોરબીની અંકુર સોસાયટીના રહેણાંક મકાનમાંથી વિદેશી સિગારેટના ૧૬૯ પેકેટ સાથે એક શખ્સ ઝડપાયો
મોરબી શહેરના શનાળા રોડ ઉપર જીઆઇડીસીના નાકા પાસે આવેલ હોટલ વાળી શેરીમાં રહેતા શખ્સ પાસે વિદેશી સિગરેટ હોવાની બાતમી એસઓજીની ટીમને મળી હતી જેના આધારે પોલીસે ત્યાં રેડ કરી હતી અને ત્યારે ઘરમાંથી વિદેશી સિગરેટના ૧૬૯ પેકેટ મળી આવ્યા હતા જેથી કરીને પોલીસે ૧૬,૯૦૦ ની કિંમતની વિદેશી સિગરેટ કબજે કરી હતી અને આરોપીની ધરપકડ કરી મોરબી એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
જાણવા મળતી માહિતી મુજબ મોરબી જિલ્લા એસઓજીની ટીમને મળેલ બાતમી આધારે મોરબી શહેરના સનાળા રોડ ઉપર આવેલ શુભ હોટલ વાળી શેરીમાં અંકુર સોસાયટીમાં અંકુર પ્રોવિઝન સ્ટોરની સામે રહેતા ધ્રુવભાઈ ભુપેન્દ્રભાઈ મીરાણી જાતે લોહાણા (૨૪) ના ઘરે રેડ કરવામાં આવી હતી ત્યારે તેના ઘરમાંથી વિદેશી સિગરેટના જુદીજુદી બ્રાંડના કુલ ૧૬૯ પેકેટ મળી આવ્યા હતા જેથી કરીને પોલીસે ૧૬,૯૦૦ ની કિંમતની વિદેશી સિગરેટના બોક્સ કબજે કર્યા હતા અને આ સિગરેટના બોક્સ ઉપર આરોગ્ય વિષયક દેખીતા કોઇ ચેતવણી રૂપ શબ્દો કે ચિત્રો દોરેલા ન હતા અને આ વિદેશી સિગરેટનો જથ્થો જાહેર જનતાને દેખાઈ તે રીતે વેચાણ માટે રાખ્યો હતો જેથી કરીને યુવાનની સામે મોરબી એ ડિવિઝન પોલીસ સ્ટેશન ખાતે સીગારેટ અને બીજી તમાકુ ઉત્પાદન અધીનીયમ ૨૦૦૩ની કલમ ૭ અને ૨૦ મુજબ ગુનો નોંધીને પોલીસે આગળની કાર્યવાહી કરેલ છે
