મોરબીની હેડ પોસ્ટ ઓફીસ સહીત તમામ પોસ્ટ ઓફીસે તા.૨૩ થી મહિલા સન્માન બચત પત્રનો કેમ્પ
Morbi Today
મોરબીના દક્ષ અમૃતિયાએ રાજ્ય કક્ષાની શૂટીંગ ચેમ્પિયનશીપમાં પ્રથમ ક્રમ સાથે ગોલ્ડ મેડલ મેળવ્યો
SHARE
JOIN OUR GROUP
મોરબીના દક્ષ અમૃતિયાએ રાજ્ય કક્ષાની શૂટીંગ ચેમ્પિયનશીપમાં પ્રથમ ક્રમ સાથે ગોલ્ડ મેડલ મેળવ્યો
રાજ્ય કક્ષાની શૂટીંગ ચેમ્પિયનશીપમાં ગોલ્ડ મેડલ મેળવી દક્ષ અમૃતિયાએ સમગ્ર મોરબી જીલ્લાનુ ગૌરવ વધાર્યુ
મોરબીની ઓસેમ સીબીએસસીના ધો.૧૨ કોમર્સના વિદ્યાર્થી દક્ષ ભુપતભાઈ અમૃતિયાએ રાજ્ય કક્ષાની ૨ જી ગુજરાત સ્ટેટ ઈન્ટર સ્કૂલ શૂટીંગ ચેમ્પિયનશીપ-૨૦૨૩ માં પ્રથમ ક્રમાંક સાથે ગોલ્ડ મેડલ મેળવેલ છે.
તાજેતરમાં તા.૧૪-૧૫ મે ના રોજ અમદાવાદ ખાતે ૨ જી ગુજરાત સ્ટેટ ઈન્ટર સ્કુલ શૂટીંગ ચેમ્પિયનશીન-૨૦૨૩ યોજાઈ હતી જેમાં સમગ્ર ગુજરાતમાંથી ૨૦૦ થી વધારે ખેલાડીઓએ રાઈફલ તેમજ પિસ્તોલ શૂટીંગમાં ભાગ લીધો હતો.જેમાં મોરબીની ઓસેમ સીબીએસસીના સ્કુલમાં ધો.૧૨ કોમર્સમાં અભ્યાસ કરતા દક્ષ ભૂપતભાઈ અમૃતિયાએ ૪૦૦ માંથી ૩૫૪ નો સ્કોર પ્રાપ્ત કરી સમગ્ર ગુજરાતમાં પ્રથમ ક્રમાંક મેળવ્યો હતો તેની આ ઉત્કૃષ્ઠ સિધ્ધી બદલ ગોલ્ડ મેડલ એનાયત કરવામાં આવ્યો હતો.અત્રે ઉલ્લેખનીય છે કે એપ્રિલ માસ દરમિયાન રાઈફલ શૂટીંગમાં મોરબીના દક્ષ અમૃતિયાએ બે સિલ્વર મેડલ પણ મેળવ્યા હતા.તેઓએ રાઈફલ તેમજ પિસ્તોલ શૂટીંગનુ કોચિંગ ખ્યાતનામ શૂટર દીપભાઈ ભુપેન્દ્રભાઈ પટેલ પાસેથી પ્રાપ્ત કરી રાજ્ય કક્ષાએ ગોલ્ડ મેડલ મેળવી સમગ્ર મોરબી જીલ્લાને ગૌરવ અપાવ્યુ છે.તેની આ સિધ્ધિ બદલ ઓસેમ સ્કુલના ટ્રસ્ટીઓ, પ્રિન્સિપાલ, સ્ટાફ ગણ સહીતનાઓએ અભિનંદન પાઠવ્યા હતા તેમજ તેમના મિત્રો, સગાં-સંબંધીઓ, શુભચિંતકો તરફથી શુભેચ્છાઓનો ધોધ ચોમેરથી વરસી રહ્યો છે.
