ગુનેગારોનું આશ્રેય સ્થાન મોરબી !: મહારાષ્ટ્રના છેડતીના ગુનામાં વોન્ટેડ આરોપી મોરબીમાંથી ઝડપાયો
Morbi Today
મોરબીમાં યુવાન અને તેના માતા-પિતાને માર મારવાના ગુનામાં વધુ એક આરોપીની ધરપકડ
SHARE
JOIN OUR GROUP
મોરબીમાં યુવાન અને તેના માતા-પિતાને માર મારવાના ગુનામાં વધુ એક આરોપીની ધરપકડ
મોરબીના નવલખી રોડ ઉપર આવેલ અમૃતપાર્કની બાજુમાં બોખાની વાડીમાં રહેતા યુવાન અને તેના માતા-પિતાને ચાર શખ્સો દ્વારા માર મારવામાં આવ્યો હતો જે પૈકી વધુ એક આરોપીની ધરપકડ કરવામાં આવી છે
મોરબીના નવલખી રોડ અમૃતપાર્કની બાજુમાં આવેલ બોખાની વાડીમાં રહેતા ગણેશભાઈ ધીરુભાઈ નકુમ જાતે દલવાડી (૨૭) એ ચારેક દિવસ પહેલા જગદીશભાઈ ધીરુભાઈ કંઝારીયા, બળવંતભાઈ ધીરુભાઈ કંઝારીયા, ગૌતમભાઈ ધીરુભાઈ કંઝારીયા અને લક્ષ્મણભાઈ શામજીભાઈ નકુમની સામે ફરિયાદ નોંધાવેલ હતી જેમાં જણાવ્યું હતુ કે આરોપીઓએ તેના ઘર પાસે આવીને તમે કેમ અમને અને અમારા પરિવારને હેરાન કરો છો..? તેવું કહ્યું હતું અને ત્યારે ફરિયાદી યુવાને કહ્યું કે “મારા ભાઈ સાથે તમારે અણ બનાવ હોય તો એમાં અમારે કોઈ લેવાદેવા નથી અને અમે તે વાતમાં કંઈ જાણતા નથી” ત્યારે આરોપી જગદીશભાઈ ઉશ્કેરાઈ ગયો હતો અને તેની સાથે આવેલ તેના ભાઈઓ અને ફરિયાદીના કાકા લક્ષ્મણભાઈએ યુવાનને ગાળો આપી હતી અને બાદમાં તેના હાથમાં રહેલ ધોકા વડે યુવાનને માર માર્યો હતો જેથી કરીને ફરિયાદી ગણેશભાઈને માથામાં ઇજા થઈ હોવાથી તેના માતા-પિતા બચાવવા માટે વચ્ચે પડ્યા હતા ત્યારે તેઓને પણ માર મારવામાં આવ્યો હતો આ ગુનામા અગાઉ ત્રણ આરોપીને પકડવામાં આવ્યા હતા અને હાલમાં પોલીસે જગદીશભાઈ ધીરુભાઈ કંઝારીયા (૩૫) રહે. ગણેશનગર વાવડી રોડ મોરબી વાળાની મોરબી બી ડિવિઝન પોલીસ સ્ટેશનના વી.ડી.મેતાએ ધરપકડ કરેલ છે
અકસ્માતમાં ઇજા
મોરબી શહેરના સામાકાંઠા વિસ્તારમાં શોભેશ્વર રોડ ઉપર આવેલ ભુવનેશ્વરી પાર્કમાં રહેતો મોનેક રાકેશભાઈ વામજા (૧૭) નામનો યુવાન ત્યાંથી પસાર થયો હતો ત્યારે બાઈક ચાલકે તેને હડફેટે લેતા અકસ્માતનો બનાવ બન્યો હતો અને અકસ્માતના બનાવમાં તે યુવાનને પગ અને માથાના ભાગે ઇજા થઈ હતી જેથી ઈજા પામેલા યુવાનને સારવાર માટે મોરબીની ખાનગી હોસ્પિટલમાં લઈને આવ્યા હતા અને આ બનાવની હોસ્પિટલ મારફતે મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
બાઇક સ્લીપ
મોરબી નજીકના મહેન્દ્રનગર ગામે રહેતા મહેન્દ્રભાઈ ધીરજલાલ અમૃતિયા (૩૮) નામનો યુવાન મોરબી નજીકના લાલપર ગામ પાસે આવેલ સીરામીક સીટી પાસે મેલડી માતાજીના મંદિર નજીકથી પોતાનું બાઇક લઈને પસાર થઈ રહ્યો હતો ત્યારે ત્યાં બાઈક સ્લીપ થઈ ગયું હતું જેથી તે યુવાનને જમણા હાથે ઇજા થઇ હોવાથી મહેન્દ્રભાઈને સારવાર માટે મોરબીની ખાનગી હોસ્પિટલમાં લઈને આવ્યા હતા અને અકસ્માતના બનાવની મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે અને આ બનાવની આગળની વધુ તપાસ મોરબી બી ડિવિઝન પોલીસ સ્ટેશનના જે.જે. ડાંગર ચલાવી રહ્યા છે
