મોરબીના મકનસર ગામે યુવાન-તેના મિત્ર ઉપર હુમલો કરી વાહનમાં તોડફોડ કરનારા બે શખ્સની ધરપકડ
SHARE
JOIN OUR GROUP
મોરબીના મકનસર ગામે યુવાન-તેના મિત્ર ઉપર હુમલો કરી વાહનમાં તોડફોડ કરનારા બે શખ્સની ધરપકડ
મોરબીના મકનસર ગામે ગાળો બોલવાની બાબતે ઝઘડો થયો હતો અને ત્યારે યુવાન અને તેના મિત્ર ઉપર કુહાડી તેમજ પાઇપ વડે હુમલો કરવામાં આવ્યો હતો અને વાહનમાં તોડફોડ કરવામાં આવી હતી જે ગુનામાં પોલીસે બે આરોપીની ધરપકડ કરેલ છે
જાણવા મળતી વિગત મુજબ મોરબીના રફાળેશ્વર ગામે પાનના ગલ્લા પાસે મકનસર ગામમાં રહેતો નીતિન પરમાર તથા તેના મળતીયા બોલેરો કારમાં આવ્યા હતા અને બોલેરો ચડાવી દેવાની વાત નશાની હાલતમાં કરતા હતા અને ગાળો બોલતા હતા ત્યાર બાદ કિશનભાઇ અને તુલસીભાઈ રફાળેશ્વરથી મકનસર તેને સમજાવવા માટે ગયા હતા ત્યારે પાઇપ વડે હુમલો કરવામાં આવ્યો હતો જેથી ભાવેશ ગુલાબભાઈ મુછડીયા (૧૮) રહે.રફાળેશ્વર વાળોને ઇજા થયેલ હતી અને જેથી તેને સારવારમાં લઈને ગયા હતા અને ત્યાર બાદ ભાવેશ ગુલાબભાઈ મુછડીયાએ હુમલો, મારા મારી અને વાહનમાં નુકશાન અંગેની મોરબી તાલુકા પોલીસ સ્ટેશને નીતિન પરમાર અને પ્રકાશ પરમાર સામે ફરિયાદ નોંધાવી હતી જેના આધારે હાલમાં આરોપી નીતિન ઉર્ફે બેરો વાલજીભાઇ પરમાર (૨૭) અને પ્રકાશ વાલજીભાઇ પરમાર (૨૪) રહે. બને મકનસર ગામ વાળની તપાસનીસ અધિકારી જે.પી. પટેલે ધરપકડ કરેલ છે
લિક્વિડ પી જતાં સારવારમાં
મોરબીના પીપળી ગામ પાસે આવેલ માનસધામ સોસાયટીમાં રહેતા કાળુભાઈ ઉર્ફે છગનભાઈ ગોરાભાઈ મકવાણા (૫૨) પોતાના ઘરેથી તેના જુના ઘરે બૌદ્ધનગરમાં જતા હતા ત્યારે ભૂલથી ઘરમાં પોતા મારવા માટે ઉપયોગમાં લેવામાં આવતું લિક્વિડ પી જતા તેને સારવાર માટે મોરબી શહેરમાં આવેલ સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપવામાં આવ્યા બાદ આ બનાવ અંગેની હોસ્પિટલ મારફતે મોરબી સીટી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી છે
