હળવદમાં સગીરા સાથે દુષ્કર્મ આચરીને ફોટો-વિડિયો વાયરલ કરવાની ધમકી આપી અવારનવાર દુષ્કર્મ

હળવદમાં રહેતી સગીરા સાથે બે શખ્સો દ્વારા દુષ્કર્મ આચરીને તેના ફોટો વિડિયો ઉતારી લઇને તેને વાયરલ કરવાના ધમકી આપીને અવાર - નવાર સગીરાની મરજી વિરૂદ્ધ દુષ્કર્મ આચર્યું હોવાની હાલમાં ભોગ બનેલ સગીરાએ ફરીયાદ નોંધાવી છે જેમા તેને જણાવ્યુ છે કે, તેના ભાઈને મારી નાંખવાની ધમકી આપતા હતા હાલમાં હળવદ પોલીસે ફરિયાદ લઇને આરોપીને પકડવા તજવીજ શરૂ કરેલ છે

મોરબી જિલ્લામાં હળવદની સગીરા સાથે ખારી વાડી વિસ્તારમાં રહેતા જયેશભાઈ ચંદુભાઇ કણઝરીયા અને ગોરી દરવાજા વિસ્તારમાં રહેતો મેહુલભાઈ સવજીભાઈ હડિયલ દુષ્કર્મ આચરીને તેના ફોટો વિડિયો લીધા હતા જે વાયરલ કરવાનું કહીને તેની સાથે તા . ૧/૧૨/૨૦૨૦ થી ૧૫/૯/૨૧ સુધી હળવદથી બે કિલોમીટર દુર હરિ દર્શન હોટલ પાછળ આવેલી સોસાયટીના મકાનમાં સગીરાને મરજી વિરૂદ્ધ દુષ્કર્મ આચર્યુ હતુ તેમજ સગીરાના ભાઈને મારી નાંખવાની ધમકી આપવામાં આવી હતી. આ બનાવમાં સગીરાએ હળવદ પોલીસ સ્ટેશને બે શખ્સો સામે દુષ્કર્મની ફરિયાદ નોંધાવી છે