કુળદેવી કાર રેન્ટલ : ગુજરાત રાજ્યના કોઈપણ શહેરમાં એક તરફની મુસાફરીમાં એક જ તરફ નુ ભાડુ આપો
Morbi Today
વાંકાનેર, ટંકારા અને માળીયા તાલુકામાં જુગારની જુદીજુદી ચાર રેડ: ૧૦ જુગારી પકડાયા
SHARE
JOIN OUR GROUP
વાંકાનેર, ટંકારા અને માળીયા તાલુકામાં જુગારની જુદીજુદી ચાર રેડ: ૧૦ જુગારી પકડાયા
વાંકાનેર સિટી અને તાલુકા તેમજ ટંકારા અને માળીયા તાલુકામાં જુગારની જુદીજુદી ચાર રેડ કરવામાં આવી હતી ત્યારે કુલ મળીને ૧૦ જુગારી જુગાર રમતા મળી આવ્યા હતા જેથી કરીને પોલીસે તેની પાસેથી રોકડ રકમ કબ્જે કરી હતી અને સ્થાનિક પોલીસ સ્ટેશનમાં ગુના નોંધીને આગળની કાર્યવાહી કરેલ છે
વાંકાનેર શહેરમાં સિટી સ્ટેશન રોડ ઉપર સ્ટ્રીટ લાઈટના અજવાળે જુગાર રમતા હોવાની સ્થાનિક પોલીસને હકીકત મળી હતી જેના આધારે પોલીસે ત્યાં જુગારની રેડ કરી ત્યારે હુસેનભાઇ રાયબભાઈ કટિયા (૩૦), જુમાભાઇ સલેમાનભાઈ રફાઈ (૨૫) અને સલીમભાઈ દાઉદભાઈ વડગામા (૪૯) રહે. બધા વાંકાનેર વાળા જુગાર રમતા મળી આવ્યા હોય પોલીસે તેની પાસેથી ૧૦,૨૪૦ ની રોકડ કબજે કરી વાંકાનેર સિટી પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
વાંકાનેર તાલુકાના દલડી ગામે રેલવે સ્ટેશન સામે રોડ ઉપર સ્ટ્રીટ લાઇટના અજવાળે જુગાર રમતા હોવાની તાલુકા પોલીસની ટીમને હકીકત મળી હતી તેના આધારે પોલીસે ત્યાં જુગારની રેડ કરતા જયેશભાઈ રઘુભાઈ ચૌહાણ (૩૯) અને મહેબૂબભાઈ રસુલભાઈ ખોરજીયા (૪૨) રહે બંને દલડી વાળા જુગાર રમતા મળી આવ્યા હોય પોલીસે તેની પાસેથી ૭,૬૫૦ ની રોકડ કબજે કરી તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
ટંકારા તાલુકાના નસીત પર ગામે સ્મશાન તરફ જવાના રસ્તા ઉપર બાવળની કાટમાં જુગાર રમતા હોવાની સ્થાનિક પોલીસને હકીકત મળી હતી જેના આધારે પોલીસે ત્યાં જુગારની રેડ કરતા સ્થળ ઉપરથી ફારુકભાઈ ગુલામહુસેન મકરાણી (૩૨), રજાકભાઈ સલીમભાઈ મકરાણી (૨૨), અસલમભાઈ આમદભાઈ મકરાણી (૨૬) અને કાસમભાઈ આમદભાઈ મકરાણી (૩૧) રહે બધા જ મકરાણીવાસ મોરબી વાળા જુગાર રમતા મળી આવ્યા હતા જેથી પોલીસે તેની પાસેથી ૨૧,૭૦૦ ની રોકડ કબજે કરી ટંકારા તાલુકા પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
વરલી જુગાર
માળીયા મીયાણા તાલુકાના ખાખરેચી ગામે રામજી મંદિર ચોકમાં વરલી જુગારના આંકડા લેવામાં આવતા હોવાની સ્થાનિક પોલીસની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે ખાખરેચી ગામે રહેતો મનોજ ઉર્ફે બકો પ્રભુભાઈ કૈલા જાતે પટેલ (૩૯) નામનો શખ્સ વરલી જુગારના આંકડા લેતા મળી આવ્યો હતો જેથી કરીને પોલીસે ૪૭૦ ની રોકડ કબજે કરી તેની સામે માળિયા તાલુકો પોલીસ સ્ટેશન ખાતે ગુનો નોંધી આગળની કાર્યવાહી કરેલ છે
