હળવદ નજીક કેનાલમાં ન્હાવા ગયેલા બે સગા ભાઈ ડૂબી ગયા, એકનો મૃતદેહ મળ્યો, બીજાની શોધખોળ શરૂ

હળવદમાંથી પસાર થતી નર્મદની કેનાલમાં બે સગા ભાઈ ન્હાવા માટે પડ્યા હતા ત્યારે કોઈન કારણોસર તે બંને પાણીમાં ડૂબી ગયા હતા જેથી કરીને આ બનાવની ફાયરની ટીમને જાણ કરતાં ફાયરની ટિમ ત્યાં દોડી આવી હતી અને કેનાલમાં ડૂબી ગયેલા બાળકોની શોધખોળ શરૂ કરી હતી અને હજુ સુધીમાં એક બાળકનો મૃતદેહ મળી આવેલ છે. જો કે, બીજા બાળકની હજુ શોધખોળ ચાલી રહી છે.

હાલમાં પોલીસ સૂત્રો પાસેથી મળતી માહિતી મુજબ કર્ણાટકથી યુવાન તેના ટ્રકમાં પાવડર ભરીને મોરબી જીલ્લામાં આવ્યો હતો અને ટ્રકમાંથી પાવડર ખાલી કર્યા પછી હળવદથી યુવાન તેનો ટ્રક લઈને મોરબી તરફ આવી રહ્યો હતો ત્યારે હળવદની મોરબી ચોકડી પાસેથી પસાર થતી નર્મદની કેનાલ નજીક યુવાન કુદરતી હાજતે ગયો હતો ત્યારે તે યુવાનની સાથે ટ્રકમાં આવેલા તેના બે દીકરા સુભાષભાઈ શિવકુમાર (15) અને સિતેશભાઈ શિવકુમાર (14) બંને નર્મદાની કેનાલમાં ન્હાવા માટે ગયા હતા ત્યારે કોઈ કારણોસર તે બંને સગા ભાઈ પાણીમાં ડૂબી ગયા હતા જેથી કરીને આ  બનાવની હળવદ પાલિકાના ફાયર વિભાગને જાણ કરવામાં આવી હતી જેથી ફાયરની ટિમ ત્યાં દોડી આવી હતી અને કેનાલમાં ડૂબી ગયેલા બાળકોની શોધખોળ શરૂ કરવામાં આવી હતી તેવામાં કેનાલમાંથી એક બાળકની લાશ મળી આવી છે જો કે, બીજા બાળકને શોધવા માટેની હજુ પણ કવાયત કરવામાં આવી રહી છે. અને આ બનાવની હળવદ તાલુકા પોલીસ સ્ટેશન ખાતે જાણ કરવામાં આવી છે.