મોરબીના રિયલ ક્રિકેટ એકેડેમી ખાતે પીએમ મોદીના જન્મદિન નિમતે નિઃશુલ્ક યોગ શિબિર યોજાશે

યોગ આરાધના ઇન્સ્ટિટ્યૂટ અને રિયલ ક્રિકેટ એકેડેમીના સંયુક્ત ઉપક્રમે પીએમ નરેન્દ્ર મોદીના જન્મદિન નિમિત્તે તેમના સ્વસ્થ ભારતના સ્વપ્નને સાકાર કરવા માટે યોગ શિબિર યોજાઇ રહી છે ત્યારે ૧૭ સપ્ટેમ્બરના રોજ એસપી રીંગરોડ આઇકોન રેસિડેન્સીથી આગળ રાધે કૃષ્ણ ફાર્મની બાજુમાં આવેલ રિયલ ક્રિકેટ એકેડમીના ગ્રાઉન્ડ ખાતે નિશુલ્ક યોગ શિબિરનું આયોજન કરવામાં આવ્યું છે

યોગ આરાધના ઇન્સ્ટિટ્યૂટના સંચાલક ડો.અલ્પાબેન ભટ્ટ દ્વારા યોગ શિબિરનું સંચાલન કરવામાં આવશે. તેઓએ અગાઉ શાંતાક્રુઝ યોગ ઇન્સ્ટિટ્યૂટ તેમજ બોમ્બે યુનિવર્સિટીથી પીએચડીની ડિગ્રી મેળવેલ છે અત્રે ઉલેખનીય છે કે, ડો. અલ્પાબેન ભટ્ટ અભિનેત્રી અપરા મહેતા તેમજ દર્શના પંડ્યાના પર્સનલ કોચ રહી ચૂક્યા છે અને તેઓ યોગ ક્ષેત્રમાં છેલ્લા ૧૮ વર્ષથી તેઓ અનેક યોગ સાધકોને યોગનું પ્રશિક્ષણ આપેલ છે મોરબીવાસીઓને સ્વસ્થ અને નીરોગી બનાવવાના સંકલ્પ સાથે આ શિબિરનું આયોજન કરવામાં આવ્યું છે