હળવદના બ્રાહ્મણી-૧ ડેમમાં મચ્છી મારી કરતાં ડૂબી જવાથી યુવાનનું મોત

હળવદ તાલુકાના ગોલાસણ ગામ પાસે આવેલ બ્રાહ્મણી-૧ ડેમમાં માછીમારી કરતા સમયે પાણીમાં ડૂબી જવાથી યુવાનનું મોત નીપજયું હતું જેથી કરીને આ બનાવની હળવદ તાલુકા પોલીસને જાણ કરવામાં આવી હતી અને યુવાનની બોડીને હળવદ સિવિલ હોસ્પિટલ ખાતે ખસેડવામાં આવી હતી

બનાવની જાણવા મળતી વિગતો પ્રમાણે હળવદ તાલુકાના ગોલાસણ ગામ પાસે આવેલા બ્રાહ્મણ-૧ ડેમની અંદર માછીમારી કરતા સમયે ખોકનભાઈ ગોપાલભાઈ મંડલ (ઉમર ૩૨) રહે હાલ ગોલસણ ગામ મૂળ રહે, ઉત્તરાખંડ વાળાનું મોત નીપજયું હતું જેથી કરીને આ બનાવ અંગેની અશોકભાઇ તારાપદા રહે, ગોલસણ વાળાએ હળવદ તાલુકા પોલીસને જાણ કરી હતી અને મૃતકના મૃતદેહને સિવિલ હોસ્પિટલ ખાતે ખસેડવામાં આવ્યો હતો હાલમાં હળવદ પોલીસે અકસ્માત મોતના આ બનાવની નોંધ કરીને આગળની તપાસ શરૂ કરેલ છે

બાઇક ચોરી

મોરબીના કાલીકા પ્લોટ વિસ્તારની પાસે આવેલ વજેપરમાં રહેતા બટુકભાઈ વાલજીભાઈ ડાભીએ પોતાનું બાઇક સામાકાંઠા ત્રાજપર વિસ્તારમાં અજંતા હાર્ડવેર નામની દુકાન પાસે પાર્ક કરીને મૂક્યું હતું ત્યારે તેનો બાઇક નંબર જીજે ૩ ઇકે ૫૨૯૬ કોઈ અજાણ્યા શખ્સ ચોરી કરી ગયેલ છે જેથી ૧૫૦૦૦ રૂપિયાની કિંમતના બાઇકની ચોરી થઈ હોવા અંગેની હાલમાં બટુકભાઈ ડાભીએ બી ડિવિઝન પોલીસ સ્ટેશન ખાતે ફરિયાદ નોંધાતા પોલીસે ચોરીની ફરિયાદ નોંધીને આરોપીને પકડવા તજવીજ શરૂ કરી છે