વાંકાનેર નજીક નવા બનતા કારખાનામાં સેંટિંગનું કામ કરતાં સમયે નીચે પટકાયેલ યુવાનનું મોત

વાંકાનેર તાલુકાના રાતી દેવરી ગામ પાસે નવા કારખાનાનું બાંધકામ ચાલી રહ્યું છે દરમિયાન સેન્ટીંગનું કામ કરી રહેલ યુવાન ૧૫ ફૂટની ઊંચાઈ ઉપરથી નીચે પડ્યો હતો જેથી કરીને તેને શરીરને ગંભીર ઇજાઓ થવાથી રાજકોટ સુધી સારવાર માટે લઈને ગયા હતા અને ત્યાં તેનું મોત થયું હતું જેથી કરીને હોસ્પિટલ મારફતે વાંકાનેર તાલુકા પોલીસને જાણ કરવામાં આવતા પોલીસે બનવાની નોંધ કરી આગળની રાબેતા મુજબની કાર્યવાહી હાથ ધરી હતી 

બનાવની જાણવા મળતી માહિતી મુજબ મૂળ પંચમહાલ જિલ્લાના ગોધરા તાલુકાનો રહેવાસી અને હાલમાં વાંકાનેર પાસે લેન્ડ ક્રાફ્ટ પ્રેવર એલએલપી કારખાનામાં રાતી દેવરી ખાતે રહેતો અને મજૂર કામ કરતો રાજુભાઈ જેસીંગભાઇ નાયક જાતે અનું. જનજાતિ (૩૪) નામનો યુવાન સેન્ટીંગનું કડિયા કામ કરતો હોય તે કામગીરી કરી રહ્યો હતો દરમિયાન ૧૫ ફૂટની ઊંચાઈ ઉપરથી તે નીચે પટકાતા તેને શરીરે ગંભીર ઇજા થઈ હતી જેથી કરીને તાત્કાલિક તેને સારવાર માટે પ્રથમ વાકાનેર ત્યાંથી વધુ સારવાર માટે રાજકોટ સુધી લઈ ગયા હતા જોકે સારવાર કારગત ન નિવાડતા તે યુવાનનું મોત નીપજયું હતું જેથી કરીને હોસ્પિટલ મારફતે આ બનાવ અંગેની વાંકાનેર તાલુકા પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી હતી અને વધુ તપાસ વાંકાનેર તાલુકા પોલીસ સ્ટેશનના હેડ કોન્સ્ટેબલ જે.જી. ઝાલા ચલાવી રહ્યા છે