હળવદના દિઘડિયા ગામે સગા ભાઈની હત્યાના ગુનામાં બીજા આરોપીની ધરપકડ

બળદેવ ભરવાડ દ્વારા, હળવદના દિઘડિયા ગામે સીમમાં આવેલ વાડીએ ત્રણ સગા ભાઇઓ રહેતા હતા તેઓની વચ્ચે ખેતીની જમીનમાં સિચાઈ માટેનું પાણી લેવા બાબતે થોડા દિવસો પહેલા બોલાચાલી થઇ હતી ત્યારે ઉશ્કેરાટ અને આવેગમાં આવીને બે ભાઈઓએ એક સંપ કરીને તેના જ સગા ભાઈને છરીના ઘા ઝીકીને તેની હત્યા કરી નાખી હતી આ બનાવમાં અગાઉ એક આરોપીને પકડવામાં આવ્યો હતો તેને હળવદ પોલીસ સ્ટેશનના લોકઅપમાં ફાંસો ખાઈને આપઘાત કરી લીધો હતો ત્યારે હત્યાના ગુનામાં હાલમાં પોલીસે બીજા ભાઈની ધરપકડ કરેલ છે

હળવદ તાલુકાનાં દિઘડીયા ગામની સીમમાં રહેતા મૂળ ચિત્રોડી ગામના રહેવાસી મુકેશભાઈ કુકાભાઈ સારલા (૩૫) તેમના પરિવાર સાથે તા ૨૧ ના રોજ રાતે ઘરે હતા ત્યારે તેના જ બે સગાભાઈ રઘાભાઈ કુકાભાઈ સારલા અને મુન્નાભાઈ કુકાભાઈ સારલાએ ખેતરમાં સિચાઇ માટે પાણી લાવે બાબતે તેની સાથે બોલાચાલી કરી હતી અને ત્યારે મુકેશભાઈ ઉપર છરી અને તીક્ષ્ણ હથિયાર વડે હુમલો કર્યો હતો જેમા મુકેશભાઈની તીક્ષ્ણ હથિયારના ઘા વાગવાથી હત્યા થઇ હતી અને તેની પત્નીએ તેના જેઠ અને દિયરની સામે હત્યાની ફરીયાદ નોંધાવી હતી જેના આધારે પોલીસે અગાઉ આરોપી મુન્નાભાઈ કુકાભાઈ સારલાની ધરપકડ કરેલ હતી જેને હળવદ પોલીસ સ્ટેશનના લોકઅપમાં ફાંસો ખાઈને આપઘાત કરી લીધો હતો ત્યાર બાદ પોલીસે હાલમાં આ ગુનામાં આરોપી રઘાભાઈ કુકાભાઈ સારલાની પોલીસે હાલમાં ધરપકડ કરેલ છે