મોરબીના વાઘપરામાં પાલિકાના માજી સભ્ય દ્વારા બહુમૂલ્ય કેમ્પ યોજાયો
Morbi Today
મોરબીમાં બોર્ડિંગમાંથી મોબાઇલ ફોનની ચોરીના ગુનામાં વધુ એક આરોપીની ધરપકડ
SHARE
JOIN OUR GROUP
મોરબીમાં બોર્ડિંગમાંથી મોબાઇલ ફોનની ચોરીના ગુનામાં વધુ એક આરોપીની ધરપકડ
મોરબીમાં વીસી ફાટક પાસે આવેલ પટેલ બોર્ડિંગ ખાતે રહેતા મૂળ વડોદરાનો રહેવાસી યુવાને મોબાઈલ ફોનની ચોરીની ફરિયાદ નોંધાવી હતી જેમાં જણાવ્યુ હતું કે, તેનો અને અન્ય લોકોના કુલ મળીને પાંચ મોબાઇલ ફોનની ચોરી કરવામાં આવેલ છે જેથી ૩૮,૦૦૦ ના મોબાઈલ ફોનની ચોરીનો ગુનો નોંધીને પોલીસે આરોપીને પકડવા તજવીજ શરૂ કરી હતી જે ગુનામાં હાલમાં પોલીસે વધુ એક આરોપીની ધરપકડ કરેલ છે
જાણવા મળતી માહિતી મુજબ મૂળ વડોદરાનો રહેવાસી અને હાલમાં મોરબીમાં વીસી ફાટક પાસે આવેલ પટેલ બોર્ડિંગ ખાતે રહેતો મીત હરેશભાઈ વેકરીયા જાતે પટેલ (૨૧) નામના યુવાને મોબાઇલ ચોરીની મોરબી બી ડિવિઝન પોલીસ સ્ટેશન ખાતે ફરિયાદ નોંધાવી હતી જેમાં જણાવ્યુ હતું કે, પટેલ બોર્ડિંગમાંથી તેનો અને અન્ય યુવાનોના કુલ મળીને પાંચ મોબાઇલ ફોનની ચોરી કરવામાં આવી છે જેથી કરીને ૩૮,૦૦૦ ની કિંમતના મોબાઈલ ફોનની ચોરી થઈ હોવાની યુવાને ફરિયાદ નોંધાવી હતી જેના આધારે પોલીસે આગાઉ આ ગુનામાં આરોપી મયુરભાઇ મોતીભાઇ સુસરા જાતે ભરવાડની ધરપકડ કરી હતી અને હાલમાં આ ગુનામાં બી ડિવિઝન પોલીસ સ્ટેશનના મદારસિંહ મોરી અને પ્રદિપસિંહ દ્વારા આરોપી સાદિલ અયુબભાઈ માણેકિયા જાતે ઘાંચી (૨૧) રહે. વાવડી રોડ રવિ પાર્ક મોરબી વાળાની ધરપકડ કરી આગળની રાબેતા મુજબની કાર્યવાહી હાથ ધરી છે
અકસ્માતમાં ઇજા
મોરબીમાં રહેતા જાહેરભાઈ રહીશ (૩૦) નામનો યુવાન મોરબી માળિયા હાઇવે ઉપર ટીંબડી પાસે હતો ત્યારે ત્યાં વાહન અકસ્માતનો બનાવ બન્યો હતો જેથી તે યુવાનને સારવાર માટે મોરબીની સિવિલ હોસ્પિટલ ખાતે લઈને આવ્યા હતા અને ત્યાં તેને સારવાર આપીને આ બનાવની મોરબી તાલુકા પોલીસને જાણ કરવામાં આવતા પોલીસે બનાવની નોંધ કરી આગળની કાર્યવાહી હાથ ધરી હતી અને આ બનાવની આગળની વધુ તપાસ તાલુકા પોલીસ સ્ટેશનના જસપાલસિંહ ચલાવી રહ્યા છે
