બનાવની જાણવા મળતી વિગત પ્રમાણે માળિયા મીયાણા તાલુકાના મોટી બરાર ગામે રહેતા જયાબેન ભુરાલાલ મુછડીયા જાતે અનુ. જાતિ (૬૦)એ હાલમાં માળીયા તાલુકા પોલીસ સ્ટેશન ખાતે કિશોરભાઈ ખીમજીભાઈ મુન્સી, નિશાબેન કિશોરભાઈ મુન્સી, દિપક કિશોરભાઈ મુન્સી અને ભારતીબેન દીપકભાઈ મુન્સીની સામે ફરિયાદ નોંધાવેલ છે જેમાં તેણે જણાવ્યું છે કે આરોપીઓ તેઓના જ કુટુંબના હોય અને બાજુ બાજુમાં રહે છે અને તેઓને સંડાસ-બાથરૂમની જમીન બાબતે વિવાદ ચાલે છે ત્યાં સંડાસ-બાથરૂમ બનાવવા માટે પાયો ખોદયો હતો જેને ફરિયાદી વૃદ્ધા તથા દક્ષાબેન પાયાને બૂરતા હતા ત્યારે આરોપીઓએ તેની સાથે જપાજપી કરી ફડાકા અને ઢીકા પાટુનો માર મારીને જાનથી મારી નાખવાની ધમકી આપી હતી જે બનાવ સંદર્ભે હાલમાં વૃદ્ધાએ નોંધાવેલ ફરિયાદ આધારે પોલીસે બે મહિલા સહિત કુલ ચાર વ્યક્તિઓની સામે ગુનો નોંધી આરોપીઓને પકડવા માટે તજવીજ શરૂ કરેલ છે અત્રે ઉલ્લેખનીય છે કે ગઈકાલ મારામારી અને બોલાચાલીની ઘટનામાં ભારતીબેન મુન્સી દ્વારા ત્રણ વ્યક્તિઓની સામે ફરિયાદ નોંધાવવામાં આવી હતી આમ મોટી બરાર ગામે સંડાસ-બાથરૂમ બનાવવા બાબતે બે પરિવાર વચ્ચે થયેલ બોલાચાલી અને માથાકૂટમાં માળિયા મિયાણા તાલુકા પોલીસ સ્ટેશન ખાતે સામસામે ફરિયાદ નોંધાતા પોલીસે જુદા જુદા બે ગુના નોંધી આગળની રાબેતા મુજબની કાર્યવાહી હાથ ધરી છે.

બે બાઇક અથડાયામોરબીના લીલાપર રોડ ઉપર બે બાઈક સામસામે અથડાયા હતા જેથી અકસ્માતનો બનાવ બનેલ હતો જે બનાવમાં બંને બાઈક ઉપર બેઠેલા કુલ મળીને ચાર વ્યક્તિઓને ઇજાઓ થઈ હતી જેથી કરીને ઇજા પામેલ વ્યક્તિઓને સારવાર માટે મોરબીની સિવિલ હોસ્પિટલ ખાતે લઈને આવ્યા હતા. આ અકસ્માતના બનાવમાં સાહિલ અકબરભાઈ કટિયા (૧૩), હાસમભાઈ અકબરભાઈ કટિયા (૧૮) રહે. બંને મકરાણીવાસ તેમજ રવિ ભરતભાઈ સર વૈયા (૧૭) અને અમિત ભરતભાઈ સરવૈયા (૧૩) રહે. બદલે લીલાપર રોડ પાંજરાપોળ પાસે મોરબી વાળાઓને ઇજાઓ થઈ હતી જેથી તેને સારવાર માટે હોસ્પિટલે લઈને આવ્યા હતા આ બનાવન મોરબી સીટી એ ડિવિઝન પોલીસે નોંધ કરી આગળની કાર્યવાહી હાથ ધરી છે.