મોરબીમાં દારૂની જુદીજુદી બે રેડ: ૬૦ બોટલ દારૂ સાથે ત્રણ પકડાયા, એકની શોધખોળ

મોરબી શહેરમાં વાવડી રોડે આવેલ ઉમિયા પાર્ક સોસાયટીના રહેણાંક મકાનમાં તેમજ મોરબીના સામાકાંઠા વિસ્તારમાં હાઉસિંગ બોર્ડ મેઇન રોડ ઉપર દારૂની જુદીજુદી બે રેડ કરી હતી ત્યારે કુલ મળીને દારૂની ૬૦ બોટલો મળી આવી હતી જેથી કરીને પોલીસે ત્રણ શખ્સોની ધરપકડ કરી જુદા જુદા બે ગુના નોંધીને પોલીસે આગળની કાર્યવાહી હાથ ધરી છે અને એક આરોપીને પકડવા માટે તજવીજ ચાલી રહી છે

જાણવા મળતી માહિતી મુજબ મોરબી એ ડિવિઝન પોલીસની ટીમ પેટ્રોલિંગમાં હતી ત્યારે મોરબીના વાવડી રોડ ઉપર આવેલ ઉમિયા પાર્ક સોસાયટીમાં રહેતા સુરેશભાઈ રતનભાઇ બરાલા જાતે પટેલના ઘરની અંદર દારૂનો જથ્થો હોવા અંગેની ચોક્કસ હકીકત મળી હતી જેના આધારે પોલીસે ત્યાં દારૂની રેડ કરી હતી ત્યારે તેના ઘરમાંથી દારૂની ૫૭ બોટલો મળી આવતા પોલીસે ૩૫,૯૩૫ ની કિંમતનો દારૂનો જથ્થો કબજે કર્યો હતો અને આરોપી સુરેશભાઈ રતનભાઇ બરાલા જાતે પટેલ (૨૩) રહે. હાલ વાવડી રોડ ઉમિયા પાર્ક સોસાયટી મૂળ રહે રાજસ્થાન અને સુજલભાઈ ચંદુભાઈ પંચોટિયા જાતે પટેલ (૨૨) રહે. હાલ વાવડી રોડ ગાયત્રી નગર સોસાયટી મોરબી મૂળ રહે અમરનગર તાલુકો મોરબી વાળાની ધરપકડ કરેલ છે અને આ બંને શખ્સોએ કેતનદાન મહેન્દ્રદાન બારહટ રહે વાવડી રોડ ગાયત્રીનગર સોસાયટી મોરબી વાળા પાસેથી દારૂ મેળવ્યો હોવાનું સામે આવ્યું જેથી કરીને પોલીસે તેની સામે પણ ગુનો નોંધી તેને પકડવા માટે તજવીજ શરૂ કરી છે જ્યારે મોરબી બી ડિવિઝન પોલીસની ટીમ દ્વારા મહારાણા પ્રતાપ સર્કલ પાસે આવેલ હાઉસિંગ બોર્ડ મેઇન રોડ ઉપર મારુતિ કિરાના સ્ટોરની બાજુમાંથી પસાર થઈ રહેલ શખ્સને ચેક કર્યો હતો ત્યારે તેની પાસે રહેલા થેલામાંથી દારૂની ત્રણ બોટલો મળી આવતા પોલીસે ૧૧૨૫ ની કિંમતની દારૂની બોટલો કબજે કરી હતી અને આરોપી મનીષભાઈ ઉર્ફે પેંગો જયકિશન અનાવાડીયા જાતે પ્રજાપતિ (૨૩) રહે સતનામ એપાર્ટમેન્ટ-૪ લાઈન્સ નગર મોરબી વાળાની ધરપકડ કરેલ છે અને આગળની કાર્યવાહી કરેલ છે