મોરબીમાં ઓરડીઓ ભાડે આપીને પોલીસને જાણ ન કરનાર મિલ્કત ધારક સામે ગુનો નોંધાયો

મોરબી શહેરના સામાકાંઠા વિસ્તારમાં વિશાલ ફર્નિચરની પાછળના ભાગમાં આવેલ લક્ષ્મીનગર સોસાયટીમાં ઓરડિઓ બનાવીને પરપ્રાંતીય લોકોને ઓરડી ભાડે આપવામાં આવી હતી જોકે ભાડુઆતની કોઈ માહિતી મોરબી બી ડિવિઝન પોલીસ સ્ટેશન ખાતે આપવામાં આવી ન હતી જેથી જિલ્લા કલેકટરના જાહેરનામાના ભંગ સબબ હાલમાં મોરબી બી ડિવિઝન પોલીસ સ્ટેશન ખાતે ઓરડીના માલિક સામે ગુનો નોંધી તેની ધરપકડ કરી રાબેતા મુજબની કાર્યવાહી હાથ ધરી છે

મોરબીમાં આવેલા ઔદ્યોગિક વિસ્તારમાં તથા ખેતીમાં રોજગારી મેળવવા માટે લોકો મોટા પ્રમાણમાં પરિવાર સાથે આવતા હોય છે અને તે પરપ્રાંતીય લોકોને કોઈપણ વ્યક્તિ પોતાની મિલકત ભાડે આપે તો તે અંગેની જાણ નજીકના પોલીસ સ્ટેશનમાં કરવી તે પ્રકારનું જાહેરનામું જિલ્લા કલેક્ટર દ્વારા પ્રસિદ્ધ કરવામાં આવ્યું છે તેમ છતાં પણ તેની અમલવારી કરવામાં આવતી ન હોય તેવું જોવા મળી રહ્યું છે દરમિયાન મોરબી શહેરના સામાકાંઠા વિસ્તારમાં વિશાલ ફર્નિચરની પાછળના ભાગમાં આવેલ લક્ષ્મીનગર સોસાયટીમાં પ્રવીણભાઈ બલૂભાઈ જાદવ જાતે ભરવાડ (૩૫)એ ઓરડિઓ બનાવી હતી અને તેની ઓરડી અલગ અલગ પરપ્રાંતીય વ્યક્તિઓને ભાડે આપેલ છે જેની સબંધીત પોલીસ કચેરીમાં જાણ કરેલ ન હતી જેથી કરીને બી ડિવિઝન પોલીસ સ્ટેશન ખાતે જિલ્લા કલેકટરના જાહેરનામા ભંગ સબબ પ્રવીણભાઈ બલુભાઈ જાદવ સામે ગુનો નોંધીને પોલીસે તેની ધરપકડ કરી રાબેતા મુજબની કાર્યવાહી હાથ ધરી હતી

એક બોટલ દારૂ

મોરબીમાં લાતી પ્લોટ શેરી નં-૬ પાછળની શેરીમાંથી પસાર થઈ રહેલા શખ્સને રોકીને પોલીસ દ્વારા ચેક કરવામાં આવ્યો હતો ત્યારે તેની પાસેથી દારૂની એક બોટલ મળી આવતા પોલીસે ૧૦૦૦  ની કિંમતની દારૂની બોટલ કબજે કરી હતી અને અફઝલ અજીતભાઈ ચૌહાણ જાતે જંગરી મુસ્લિમ (૨૪) રહે. લાટી પ્લોટ શેરી નં-૮ મોરબી વાળાની ધરપકડ કરેલ છે અને તેની સામે મોરબી એ ડિવિઝન પોલીસ સ્ટેશન ખાતે ગુનો નોંધી રાબેતા મુજબની કાર્યવાહી હાથ ધરી છે