મોરબીમાં જાહેરમાં તલવારથી કેક કટિંગના કેસમાં રાણીબા સામે કાર્યવાહી
SHARE
JOIN OUR GROUP
મોરબીમાં જાહેરમાં તલવારથી કેક કટિંગના કેસમાં રાણીબા સામે કાર્યવાહી
મોરબીમાં વિભૂતિ પટેલ ઉર્ફે રાણીબાએ જન્મ દિવસના દિવસે જાહેરમાં ટેબલ ઉપર એક કે બે નહીં ૩૦ જેટલા કેક મૂકીને તેનું તલવાર જેવા હથિયારથી કટિંગ કર્યું હતું અને તે વિડિયો સોશ્યલ મીડિયામાં મૂકવામાં આવ્યો હતો તેના આધારે એ ડિવિઝન પોલીસ સ્ટેશને ગુનો નોંધાયો હતો જેમાં પોલીસે વિભૂતિ પટેલને નોટિસ આપીને ધોરણસરની કાર્યવાહી કરી હતી
મોરબી એ ડિવિઝન પોલીસ સ્ટેશન ખાતે વિભૂતી પટેલ ઉર્ફે રાણીબા સામે મોરબીના સાયબર સેલ ટેક્નિકલ વિભાગના પીએસઆઇ અશોકસિંહ દિલુભા જાડેજા દ્વારા ફરિયાદ નોંધાવવામાં આવી હતી જેમાં જણાવ્યુ હતું કે, વિભુતી ઉર્ફે રાણીબા હિતેન્દ્રભાઈ ઉર્ફે હિતેશભાઈ સીતાપરા જાતે પટેલ રહે. એસપી રોડ, પેસિફિક હાઇટ્સ, રવાપર વાળીએ જાહેરમાં બે ટેબલ ઉપર પોતાના ફોટા અને નામ વાળી ૩૦ જેટલી કેક ગોઠવીને તે કેકનું કટિંગ તલવાર જેવા હથિયારથી કર્યું હતું તેનો વિડીયો ઇન્સ્ટાગ્રામ આઈડી ઉપર અપલોડ કરેલ હતો જેથી સમાજમાં ભય ઉભો કરનાર વિભૂતિ પટેલ ઉર્ફે રાણીબા સામે ત્યારે આઇપીસી કલમ ૨૬૮, ૨૯૦ તેમજ જીપી એકટ ૧૩૫ મુજબ ગુનો નોંધીને પોલીસે આગળની કાર્યવાહી કરી હતી અને હાલમાં આ ગુનામાં મોરબી એ ડિવિઝન પોલીસ સ્ટેશન્ના પ્રભાતભાઇ ચાવડા દ્વારા વિભુતી ઉર્ફે રાણીબા હિતેન્દ્રભાઈ સીતાપરા જાતે પટેલ (૨૬) સામે નોટિસ આપીને ધોરણસરની કાર્યવાહી કરી હતી વધુમાં પોલીસ પાસેથી મળતી માહિતી મુજબ સોશ્યલ મીડિયામાં જે વિડીયો મૂકવામાં આવ્યો હતો તે ત્રણ વર્ષ પહેલાનો વિડીયો હતો તેવું તપાસમાં સામે આવેલ છે
