ટંકારાના નેકનામ રોડે અજાણ્યા વાહન ચાલકે બાઈકને હડફેટે લેતા યુવાનનું મોત
SHARE
JOIN OUR GROUP
ટંકારાના નેકનામ રોડે અજાણ્યા વાહન ચાલકે બાઈકને હડફેટે લેતા યુવાનનું મોત
ટંકારા તાલુકાના નેકનામ રોડ ઉપર અજાણ્યા વાહન ચાલકે બાઈકને હડફેટે લીધું હતું જેથી કરીને બાઈક લઈને જઈ રહેલા યુવાનને માથામાં અને શરીરે ગંભીર ઇજાઓ થઈ હતી જેથી યુવાનનું મોત નીપજયું હતું આ બનાવ સંદર્ભે હાલમાં મૃતક યુવાનના પિતાએ અજાણ્યા વાહન ચાલક સામે ટંકારા તાલુકા પોલીસ સ્ટેશન ખાતે ફરિયાદ નોંધાવતા પોલીસે ગુનો નોંધી આગળની કાર્યવાહી હાથ ધરી છે
જાણવા મળતી વિગત પ્રમાણે પડધરી અને નેકનામ રોડ ઉપર દહીંસરડા ગામના કાંતિભાઈ ભાણજીભાઈ ચંદ્રાલાની વાડી પાસેથી માધવભાઈ ગોકળભાઈ છીપરીયા નામનો યુવાન બાઈક નંબર જીજે ૩ એમક્યુ ૩૮૫૫ લઈને પસાર થઈ રહ્યો હતો ત્યારે કોઈ અજાણ્યા વાહન ચાલકે તેને હડફેટ લીધો હતો જેથી કરીને અકસ્માતનો બનાવ બન્યો હતો અને અકસ્માતના બનાવમાં યુવાનને માથામાં અને શરીરને ગંભીર થઇ હોવાથી તેનું મોત નીપજ્યું હતું હાલમાં અકસ્માત મૃત્યુના આ બનાવ સંદર્ભે મૃતક યુવાનના પિતા ગોકળભાઈ સવજીભાઈ છીપરીયા જાતે કોળી (૪૬) રહે દહીંસરડા તાલુકો પડધરી વાળાએ ટંકારા તાલુકા પોલીસ સ્ટેશન ખાતે અજાણ્યા વાહન ચાલક સામે ફરિયાદ નોંધાવી છે જેના આધારે પોલીસે ગુનો નોંધી આગળની રાબેતા મુજબની કાર્યવાહી હાથ ધરી છે
સાપ કરડી જતા સારવારમાં
મોરબીના માળિયા હાઇવે ઉપર આવેલા કૃષ્ણનગર (ગુંગણ) ગામે રહીને ગામના સીમ વિસ્તારમાં ખેત મજૂરીનું કામ કરી રહેલા રેવસિંગ રાયસીંગ આદિવાસી નામના ૩૫ વર્ષના યુવાનને કામ દરમિયાન જમણા પગના ભાગે સાપ કરડી ગયો હતો જેના લીધે તેને સારવાર માટે અત્રેની સરકારી હોસ્પિટલ ખાતે લાવવામાં આવ્યો હતો અને ત્યાં તેની સારવાર કરવામાં આવ્યા બાદ આ બાબતે તાલુકા પોલીસ મથકે જાણે કરાતા તે બીટ વિસ્તારના જમાદાર વિજયભાઈ ડાંગર દ્વારા નોંધ કરી તપાસ હાથ ધરાઈ હતી.
