વાંકાનેરના જાલીડા ગામે વાહનના ભાડાનો હિસાબ માંગતા યુવાન અને તેની પત્નીને માર માર્યો: દીકરીને મારી નાખવાની ધમકી..!
SHARE
JOIN OUR GROUP
વાંકાનેરના જાલીડા ગામે વાહનના ભાડાનો હિસાબ માંગતા યુવાન અને તેની પત્નીને માર માર્યો: દીકરીને મારી નાખવાની ધમકી..!
વાંકાનેર તાલુકાના જાલીડા ગામે રહેતા યુવાનની બોલેરો ગાડી ભાડે પેટે રાખેલ હોય તેનો હિસાબ માંગ્યો હતો ત્યારે આરોપીએ ગાળા ગાળી કરી હતી અને ફરિયાદી તથા તેની પત્નીને મૂઢ માર માર્યો હતો અને તેની દીકરીને જાનથી મારી નાખવાની ધમકી આપી હતી જેથી કરીને ભોગ બનેલા યુવાન દ્વારા વાંકાનેર તાલુકા પોલીસ સ્ટેશન ખાતે ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે તજવીજ શરૂ કરી છે.
બનાવની જાણવા મળતી માહિતી મુજબ વાંકાનેર તાલુકાના જાલીડા ગામના મૂળ રહેવાસી અને હાલમાં વાંકાનેરમાં આવેલ મન મંદિર બસ સ્ટેશન પાછળ રહેતા સુરેશભાઈ સામતભાઈ ચૌહાણ (૩૭)એ હાલમાં ભુપતભાઈ, ગોપાલભાઈ, મીનાબેન ભુપતભાઈ અને રાણીબેન ગોપાલભાઈ રહે. બધા જાલીડા વાળાની સામે વાંકાનેર તાલુકા પોલીસ સ્ટેશન ખાતે ફરિયાદ નોંધાવી છે જેમાં તેણે જણાવ્યું છે કે, આરોપી ભુપતભાઈએ બોલેરો ગાડી નંબર જીજે ૧૧ ટીટી ૬૨૮૭ ભાડા પેટે લઈ ગયેલ હોય જેનો હિસાબ તેઓએ માંગ્યો હતો અને ત્યારે આરોપીએ ગાળા ગાળી કરીને ફરિયાદી તથા તેના પત્ની હંસાબેનને મૂઢમાર મારીને ઈજા કરી હતી અને તેની દીકરી બંસીને રાણીબેને જાનથી મારી નાખવાની ધમકી આપી હતી જેથી ભોગ બનેલા યુવાન દ્વારા સારવાર લેવામાં આવ્યા બાદ આ બનાવની વાંકાનેર તાલુકા પોલીસ સ્ટેશન ખાતે ફરિયાદ નોંધાવવામાં આવી છે તેના આધારે પોલીસે આરોપીઓને પકડવા માટે તજવીજ શરૂ કરી છે.
