જીરાના ભાવમાં કડાકો થતાની સાથે જ મોરબી યાર્ડમાં જીરાની આવક ઘટી
Morbi Today
મોરબીની ચિત્રકૂટ સોસાયટીમાં રહેતી યુવતી ગુમ
SHARE
JOIN OUR GROUP
મોરબીની ચિત્રકૂટ સોસાયટીમાં રહેતી યુવતી ગુમ
મોરબીમાં કન્યા છાત્રાલય રોડ ઉપર આવેલ ચિત્રકૂટ સોસાયટીમાં રહેતી યુવતી ઘરે કોઈને કશું કહ્યા વગર ગુમ થઈ ગયેલ છે જેથી કરીને ગુમ થયેલ યુવતીના ભાઈએ મોરબી એ ડિવિઝન પોલીસ સ્ટેશન ખાતે ગુમસુધા ફરિયાદ નોંધાવતા પોલીસે ગુમ થયેલ યુવતીને શોધવા માટે તજવીજ શરૂ કરી છે.
જાણવા મળતી માહિતી મુજબ મોરબીના કન્યા છાત્રાલય રોડ પર આવેલ ચિત્રકૂટ સોસાયટીમાં રહેતા વૈભવભાઈ પ્રફુલભાઈ દેત્રોજા જાતે પટેલએ મોરબી એ ડિવિઝન પોલીસ સ્ટેશન ખાતે તેની બહેન ભૂમિકાબેન પ્રફુલભાઈ દેત્રોજા જાતે પટેલ (૨૧) ગત તા.૨૬-૨ ના સવારે ૭:૩૦ થી બપોરે ૨ સુધીમાં કોઇપણ સમયે પોતાના ઘરેથી કોઈને કશું કહ્યા વગર ગુમ થઈ ગયેલ છે જેથી કરીને હાલમાં ગુમ થયેલ યુવતીના ભાઈએ નોંધાવેલ ગુમસુધા ફરિયાદ આધારે પોલીસે નોંધ કરીને ગુમ થયેલ યુવતીને શોધવા માટે તેને હાલમાં તપાસ શરૂ કરી છે આ અંગેની આગળની વધુ તપાસ એ.એમ.જાપડીયા ચલાવી રહ્યા છે.
દેશી દારૂ
મોરબી તાલુકાના ગુંગણ ગામની સીમમાં કૃષ્ણનગર ગામ તરફ જવાના રસ્તે તળાવના કાંઠે દારૂની રેડ કરી હતી ત્યારે સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતો દોઢસો લીટર આથો તથા તૈયાર ૧૦ લીટર દેશી દારૂ મળી આવતા પોલીસે ૫૦૦ રૂપિયાની કિંમતનો મુદ્દા માલ કબજે કર્યો હતો અને કેશુભાઈ રાજાભાઈ સાલાણી જાતે કોળી (૩૮) રહે ગુંગણ તાલુકો મોરબી વાળાની ધરપકડ કરી આગળની કાર્યવાહી હાથ કરી છે.
દેશી દારૂ
મોરબી તાલુકાના જાંબુડીયા ગામે ધર્મસિદ્ધિ સોસાયટીના ગેટ પાસેથી એક્ટિવા નંબર જીજે ૩૬ એએચ ૮૭૮૪ પસાર થઈ રહ્યું હતું ત્યારે તેને રોકીને પોલીસ ચેક કરતા તે સ્કૂટર ઉપર જઈ રહેલા શખ્સ પાસેથી ૫૦ લિટર દેશી દારૂ મળી આવતા પોલીસે ૧૦૦૦ ની કિંમતનો દારૂ અને ૭૦,૦૦૦ ની કિંમતનું વાહન આમ કુલ મળીને ૭૧ હજાર રૂપિયાની કિંમતના મુદ્દામાલ સાથે સવજીભાઈ સોમાભાઈ સારલા જાતે કોળી (૨૦) રહે. પાનેલી ગામ હનુમાન મંદિર પાસે મોરબી વાળાની ધરપકડ કરેલ છે અને તેની પાસેથી મળી આવેલ દારૂનો જથ્થો તેણે સવજીભાઈ અરજણભાઈ કોળી રહે. પાનેલી ગામ વાળા પાસેથી મેળવ્યો હોવાનું સામે આવતા તેની સામે પણ ગુનો નોંધી પોલીસે તેને પકડવા માટે તજવીજ શરૂ કરી છે.
