મોરબીના રંગપર પાસેથી છેતરપિંડીના ગુનામાં મહિલા આરોપીની ધરપકડ

મોરબીના જેતપર રોડ ઉપર આવેલ રંગપર ગામ પાસેથી છેતરપિંડીના ગુનામાં મહિલા આરોપીની ધરપકડ કરવામાં આવી છે અને મોરબી જિલ્લા પેરોલફર્લોની ટીમ દ્વારા મહિલા આરોપીને વલસાડ પોલીસ હવાલે કરેલ છે

વલસાડ પોલીસ સ્ટેશન ખાતે છેતરપિંડીનો ગુનો નોંધાયો હતો જે ગુનામાં મહિલા આરોપી મોરબી જિલ્લામાં હોવા અંગેની મોરબી જિલ્લા પેરોલફર્લોની ટીમને હકીકત મળી હતી જેના આધારે પોલીસે મોરબીના જેતપર રોડ ઉપર આવેલ રંગપર ગામ પાસેથી મહિલા આરોપી ભાવિશાબેન દામજીભાઈ લો રહે. મઢવાળી શેરી ટંકારા વાળાની અટકાયત કરીને વલસાડ પોલીસ સ્ટેશન હવાલે કર્યા છે તેવી માહિતી જાણવા મળેલ છે

વાહનથી ઠોકર મારી

મોરબીના જેતપર રોડ ઉપર નવી પીપળી પાસે આવેલા વૃંદાવન પાર્કમાં અજાણી વ્યક્તિ સાથે ઝઘડો થયો હતો અને ત્યારબાદ અજાણ વ્યક્તિ દ્વારા વાહનની ઠોકર મારવામાં આવતા ત્રણ વ્યક્તિઓને ઈજા થઈ હતી જેથી ઇજા પામેલા રાણીપા પ્રવીણભાઈ, ઝાલરીયા નિલેશભાઈ અને લખતરિયા ગીતાબેનને સારવાર માટે મોરબીની ખાનગી હોસ્પિટલમાં લઈને આવ્યા હતા ત્યાં તેને સારવાર આપ્યા બાદ આ બનાવ અંગેની મોરબી બી ડિવિઝન પોલીસને જાણ કરવામાં આવતા પોલીસે બનાવની નોંધ કરી આગળની રાબેતા મુજબની કાર્યવાહી હાથ ધરી છે