મોરબી જીલ્લામાં કોંગ્રેસમાંથી રાજીનામાં આપનારા ૧૭ હોદ્દેદારો સી.આર. પાટીલના હસ્તે ખેસ પહેરીને હવે ભાજપમાં

આગામી લોકસભાની ચૂંટણીને ગણતરીના દિવસો જ બાકી રહ્યા છે ત્યારે મોરબી જિલ્લા કોંગ્રેસમાંથી એક પછી એક રાજીનામાં આવી રહ્યા છે અને જે રાજીનામાં આવે છે તે આગેવાનો ભાજપમાં જોડાઈ રહ્યા છે ત્યારે મોરબી જિલ્લા કોંગ્રેસમાંથી તાજેતરમાં રાજીનામાં આપનારા ૧૭ હોદ્દેદારો અને આગેવાનો સી.આર. પાટીલના હસ્તે ખેસ પહેરીને હવે ભાજપમાં જોડાયા છે

ગુજરાત પ્રદેશ ભાજપ કાર્યાલય કમલમ ખાતે મોરબી જિલ્લા કોંગ્રેસમાં જુદાજુદા હોદાઓ ઉપરથી રાજીનામાં આપનારા ૧૭ જેટલા હોદ્દેદારોએ સી.આર.પાટીલના હસ્તે ભાજપનો ખેસ પહેરીને કેસરિયા કરેલ છે જેમાં મોરબી જિલ્લા પંચાયતના કોંગ્રેસનાં સભ્ય મહેશભાઈ પારજીયા, મોરબી જિલ્લા કોંગ્રેસ સમિતિના પૂર્વ પ્રમુખ મુકેશભાઈ ગામી, મોરબી તાલુકા કોંગ્રેસના પ્રમુખ કે.ડી. પડસુંબિયા, મોરબી નગરપાલિકાના પૂર્વ પ્રમુખ અસ્મિતાબેન કોરીંગા, મોરબી તાલુકા સરપંચ એસો.ના પ્રમુખ પ્રફુલભાઈ હોથી, માળીયા તાલુકા કોંગ્રેસના ઉપપ્રમુખ સતિષભાઈ વામજા, મોરબી તાલુકા કોંગ્રેસના મહામંત્રી જગજીવનભાઈ બોપલીયા, માળીયા તાલુકા કોંગ્રેસના મહામંત્રી રાજેશભાઈ ડઢાણીયા, મોરબી તાલુકા કોંગ્રેસના ઉપપ્રમુખ રાજેન્દ્રભાઈ અગ્રાવત, મોરબી તાલુકા કોંગ્રેસ એસ.સી. વિભાગના પ્રમુખ કિશોરભાઈ ઉભડિયા, માળીયા તાલુકા કોંગ્રેસ સેવાદળના પ્રમુખ મહેશભાઈ કૈલા, મોરબી તાલુકા પંચાયતના પૂર્વ સભ્ય ગોરધનભાઈ પડસુંબિયા, નાથાલાલ પડસુંબિયા, મોરબી તાલુકા કોંગ્રેસના પૂર્વ મહામંત્રી દુર્લભજીભાઈ સૂરાણી, માળીયા તાલુકા કોંગ્રેસના કારોબારી સભ્ય આશિષભાઈ સંઘાણી, મોરબી જિલ્લા કોંગ્રેસના કારોબારી ખોડીદાસભાઈ સંતોકી અને મોરબી જિલ્લા કોંગ્રેસના મંત્રી સંજયભાઈ કાવરનો સમાવેશ થાય છે અને આ તમામ આગેવાનોએ સ્વૈચ્છીક કોંગ્રેસમાંથી રાજીનામાં મૂકીને ભાજપનો ખેસ ધારણ કરેલ છે