ટંકારાના ભૂતકોટડા ગામમાં ૨૫ દાદીમાઓએ સમૂહમાં ઉજવ્યો જન્મ દિવસ
SHARE
JOIN OUR GROUP
ટંકારાના ભૂતકોટડા ગામમાં ૨૫ દાદીમાઓએ સમૂહમાં ઉજવ્યો જન્મ દિવસ
જીવનની સંધ્યાકાળે લગભગ બધું જ ભૂલી જવાતું હોય છે ત્યારે જન્મદિવસ તો કેમ યાદ હોય? જિંદગીના ૭૦-૮૦ પાનખર વીત્યાબાદ અચાનક જ કોઈ હેપી બર્થ ડે કહે તો ? ટંકારાના ભૂતકોટડા ગામમાં મહિલા દિવસે એવું બન્યું હતું કે એક સાથે ૨૫ દાદીમાનો એક સાથે જન્મદિવસ ઉજવાયો હતો
ટંકારા તાલુકાના ભૂત કોટડા ગામે ૮ માર્ચ આંતરરાષ્ટ્રીય મહિલા દિવસના ઉપક્રમે શાળાના શિક્ષિકા બહેન ગીતાબેન એમ. સાંચલા સંચાલિત કંકણ ગ્રુપ તથા ગીતાબેન દ્વારા વડીલ વંદના કાર્યક્રમનું આયોજન કરવામાં આવ્યું હતું જેમાં ૭૦ વર્ષથી ઉપરના ૨૫ દાદીમાના હસ્તે કેક કાપીને જન્મદિવસની ઉજવણી કરવામાં આવી હતી તેમજ તમામ વડીલ દાદીમાનું સાલ ઓઢાડીને સન્માન કરાયું હતું આ તકે મોરબી જિલ્લા ડીપીઓ નમ્રતાબેન મહેતા, દિનેશભાઇ ગરચર, જારીયાભાઈ, કલ્પેશભાઈ ફેફર, વિરમભાઈ દેસાઈ, કૌશિકભાઈ ઢેઢી તેમજ ઇન્ડિયન લાયન્સ તેમજ ઇન્ડિયન લાયોનેસ ક્લબના પ્રમુખો સહિતના હાજર રહ્યા હતા અને લાયન્સ ક્લબના કે.પી. ભાગિયા તેમજ સાથી મિત્રો તરફથી શાળાના તમામ બાળકોને યુનિફોર્મ ભેટ આપવામાં આવ્યા હતા. આ કાર્યક્રમને સફળ બનાવવા ગીતાબેન તેમજ કંકણ ગ્રુપના બહેનો સરપંચ પંકજભાઈ ભાગિયા, ચીમનભાઈ ઢેઢી, ગામના આગેવાનો સહિતનાઓએ જહેમત ઉઠાવી હતી
