મોરબીના ત્રાજપરમાં જુગારની બે રેડ: આઠ જુગારી પકડાયા

મોરબી શહેરના ત્રાજપર વિસ્તારમાં જુગારની જુદી જુદી બે રેડ કરવામાં આવી હતી ત્યારે અલગ અલગ જગ્યા ઉપર જુગાર રમતા કુલ મળીને આઠ શખ્સો મળી આવ્યા હતા જેથી કરીને પોલીસે તેની પાસેથી કુલ મળીને ૨૪,૩૪૦ ની કિંમતની રોકડ કબજે કરી હતી અને મોરબી બી ડિવિઝન પોલીસ સ્ટેશન ખાતે ગુનો નોંધી આગળની રાબેતા મુજબની કાર્યવાહી હાથ ધરી છે

જાણવા મળતી માહિતી મુજબ મોરબીના ત્રાજપર ગામમાં માતાજીના મંદિર પાસે જુગારની રેડ કરવામાં આવી હતી ત્યારે સ્થળ ઉપર જુગાર રમતા મુન્નાભાઈ દિલીપભાઈ ડેડાણીયા (૨૮), પિયુષભાઈ બાબુભાઈ કુંવરિયા (૪૨), રમેશભાઈ સચીનભાઈ ઝીંઝવાડીયા (૨૩), મુકેશભાઈ બેચરભાઈ ચાવડા (૪૨) અને છગનભાઈ સિંધભાઈ શિયાળ (૩૯) રહે. બધા મોરબી વાળા જુગાર રમતા મળી આવ્યા હોય પોલીસે તેની પાસેથી ૧૯,૭૮૦ ની કિંમતની રોકડ સ્થળ ઉપરથી કબજે કરી હતી આવી જ રીતે ત્રાજપર ગામમાં ચોરાથી આગળના ભાગમાં આવેલ મંદિર પાસે જુગારની બીજી રેડ કરવામાં આવી હતી ત્યારે સ્થળ ઉપર જુગાર રમતા દિનેશભાઈ છગનભાઈ અદગામા (૫૦) સંદીપભાઈ બાબુભાઈ પીપળીયા (૨૧) અને અહેમદભાઈ મહમદભાઈ સુમરા (૨૭) રહે. બધા મોરબી વાળા જુગાર રમતા મળી આવ્યા હોય પોલીસે તેની પાસેથી ૪૫૬૦ ની રોકડ કબજે કરી મોરબી બી ડિવિઝન પોલીસ સ્ટેશન ખાતે જુગારધારા હેઠળ ગુનો નોંધી આગળની રાબેતા મુજબની કાર્યવાહી હાથ ધરી હતી