હળવદમાં ટેલીફોન એક્સચેન્જ પાસે પાર્ક કરેલા ૧૦ લાખના ટ્રકની ચોરી

હળવદમાં આવેલ ટેલીફોન એક્સચેન્જ પાસે યુવાને તેનો ટ્રક પાર્ક કરીને મૂક્યો હતો અને તે દસ લાખ રૂપિયાની કિંમતના ટ્રકની કોઈ અજાણ્યા શખ્સ દ્વારા ચોરી કરવામાં આવે છે જેથી ભોગ બનેલા યુવાન દ્વારા હાલમાં હળવદ તાલુકા પોલીસ સ્ટેશન ખાતે ચોરીની ફરિયાદ નોંધાવવામાં આવી છે જેના આધારે પોલીસે ગુનો નોંધી આરોપીને પકડવા માટે તજવીજ શરૂ કરી છે

બનાવની જાણવા મળતી માહિતી મુજબ હળવદના પંચમુખી ઢોરા વિસ્તારમાં રહેતા ભીમાભાઇ કાળુભાઈ ગમારા જાતે ભરવાડ (૩૯) નામના યુવાને અજાણ્યા શખ્સની સામે હળવદ તાલુકા પોલીસ સ્ટેશન ખાતે ચોરીની ફરિયાદ નોંધાવી છે જેમાં તેને જણાવ્યું છે કે હળવદમાં આવેલ ટેલીફોન એક્સચેન્જ પાસે તેણે ટાટા કંપનીનો ટ્રક નંબર જીજે ૧૦ એક્સ ૫૪૬૫ પાર્ક કરીને મૂક્યો હતો જે ટ્રકની કિંમત દસ લાખ રૂપિયા છે અને તે ટ્રકની કોઈ અજાણ્યા શખ્સ દ્વારા ચોરી કરવામાં આવેલ છે જેથી કરીને ભોગ બનેલા યુવાન દ્વારા નોંધવામાં આવેલ ફરિયાદ આધારે પોલીસે હાલમાં ગુનો નોંધી આરોપીને પકડવા માટે તજવીજ શરૂ કરી છે અને આગળની વધુ તપાસ હળવદ તાલુકા પોલીસ સ્ટેશનના પી.એસ.આઇ. કે.એન. જેઠવા ચલાવી રહ્યા છે