મોરબીમાં ત્રાજપર ચોકડીએ ઓવરબ્રિજ ઉપરથી કાર નીચે ખાબકી: ત્રણ ઇજાગ્રસ્ત સારવારમાં

મોરબીમાં આવેલ ત્રાજપર ચોકડીએ ઓવરબ્રિજ બનાવવામાં આવેલ છે તે બ્રિજ ઉપરથી કાર પસાર થઈ રહી હતી ત્યારે કોઈ કારણોસર કાર ઉપરથી સીધી જ નીચેના ભાગમાં સર્વિસ રોડ ઉપર ખાબકી હતી અને કારમાં બેઠેલા ચાર પૈકીના ત્રણ વ્યક્તિઓને ઈજા થતાં તેને ૧૦૮ મારફતે સારવારમાં લઈ જવામાં આવેલ છે

બનાવની જાણવા મળતી માહિતી મુજબ મોરબીના સામાકાંઠે વિસ્તારવામાં આવેલ ત્રાજપર ચોકડી પાસે ઓવરબ્રિજ ઉપર ઓવર સ્પીડમાં હ્યુન્ડાઇ આઈ-૨૦ ગાડી પસાર થઈ રહી હતી જેના નંબર જીજે ૧૧ સીડી ૩૪૬૦ હોવાનું સામે આવેલ છે અને આ કાર બ્રિજની રેલિંગ તોડીને સીધી જ નીચેના ભાગમાં સર્વિસ રોડ ઉપર પડી હતી જેથી કરીને અકસ્માત થયો હતો અને તે બનાવમાં કારમાં બેઠેલા ચાર પૈકીના ત્રણ વ્યક્તિઓને ઈજા થતાં તેને ૧૦૮ મારફતે સારવારમાં લઈ જવામાં આવેલ છે વધુમાં લોકોના કહેવા મુજબ કાર ચાલકે ગાડીને સ્ટેરિંગ ઉપરથી કાબુ ગુમાવતા કાર બ્રિજની રેલિંગ તોડીની સીધી જ નીચે પડી હતી સદનસીબે ત્યારે નીચેના ભાગમાં કોઈ હતું નહીં જેથી કરીને જીવલેણ અકસ્માત થયો નથી