મોરબીમાં ત્રિકોણબાગ પાછળ આવેલ બેન્ક પાસેથી બાઈકની ચોરી
SHARE
JOIN OUR GROUP
મોરબીમાં ત્રિકોણબાગ પાછળ આવેલ બેન્ક પાસેથી બાઈકની ચોરી
મોરબીમાં એસબીઆઇ બેન્ક સામે આવેલ ત્રિકોણબાગની પાછળના ભાગમાં પાર્ક કરેલા બાઈકની કોઈ અજાણ્યા શખ્સ દ્વારા ચોરી કરવામાં આવેલ છે જેથી ભોગ બનેલ યુવાન દ્વારા મોરબી એ ડિવિઝન પોલીસ સ્ટેશન ખાતે વાહન ચોરીની ફરિયાદ નોંધાવવામાં આવતા પોલીસે ગુનો નોંધી આરોપીને પકડવા માટે ચક્રોગતિમાન કર્યા છે
બનાવની જાણવા મળતી માહિતી મુજબ મોરબીના વીસીપરા વિસ્તારમાં અમરેલી રોડ ઉપર નરેન્દ્ર ટાઇલ્સની બાજુમાં રહેતા કિરીટભાઈ બાબુભાઈ અગેચાણીયા જાતે કોળી (૩૦) નામના યુવાને અજાણ્યા શખ્સની સામે મોરબી એ ડિવિઝન પોલીસ સ્ટેશન ખાતે બાઈક ચોરીની ફરિયાદ નોંધાવેલ છે જેના આધારે પોલીસે હાલમાં ગુનો નોંધીને આગળની કાર્યવાહી હાથ ધરી છે જેમાં ભોગ બનેલ યુવાને જણાવ્યુ છે કે, મોરબીમાં એસબીઆઇ બેન્કની સામેના ભાગમાં આવેલ ત્રિકોણબાગની પાછળના ભાગમાં યુનિયન બેન્ક પાસે તેણે પોતાનું બાઈક નંબર જીજે ૩૬ એડી ૫૧૦૮ પાર્ક કરીને મૂક્યું હતું જે ૬૦ હજાર રૂપિયાની કિંમતના બાઈકની કોઈ અજાણ્યા શખ્સે ચોરી કરી છે જેથી કરીને ભોગ બનેલા યુવાનની ફરિયાદ લઈને પોલીસે આરોપીને શોધવા માટે તજવીજ શરૂ કરી છે
અકસ્માત થતાં વાહનમાં નુકશાન
મોરબીની મહેન્દ્રનગર ચોકડી પાસે સીએનજી પમ્પની સામેના ભાગમાંથી મહેન્દ્રનગર ગામે આવેલ પ્રકૃતિ સોસાયટીમાં રહેતા પરેશભાઈ જયંતીલાલ કોરડીયા જાતે પટેલ (૪૨) નામનો યુવાન એકટીવા લઈને જઈ રહ્યો હતો ત્યારે ટેન્કર નંબર જીજે ૩૬ પી ૧૭૯૬ ના ચાલકે ફરિયાદીના એકટીવા નંબર જીજે ૩૬ એજી ૧૪૯૪ ને હડફેટે લેતા અકસ્માત થયો હતો અને તેમાં એકટીવામાં નુકસાન થયું હતું જેથી કરીને ભોગ બનેલા પરેશભાઈ કોરડીયા દ્વારા નોંધાવવામાં આવેલ ફરિયાદ આધારે પોલીસે ટેન્કર ચાલક સામે ગુનો નોંધી આરોપીને પકડવા માટે ચક્રોગતિમાન કર્યા છે
