ટંકારાની લજાઇ ચોકડી પાસે કારખાનાઓમાથી ૨૯,૫૦૦ ના મુદામાલની ચોરી
SHARE
JOIN OUR GROUP
ટંકારાની લજાઇ ચોકડી પાસે કારખાનાઓમાથી ૨૯,૫૦૦ ના મુદામાલની ચોરી
ટંકારા તાલુકાના લજાઇ ચોકડીથી હડમતીયા રોડ ઉપર આવેલા જુદા જુદા કારખાનાઓમાં તસ્કરોએ થોડા દિવસો પહેલા ધામા નાખ્યા હતા અને રોકડ રકમ સહિતની ચીજ વસ્તુઓની ચોરી કરી હતી. જે બનાવ અંગે હાલમાં ટંકારા તાલુકા પોલીસ સ્ટેશન ખાતે ફરિયાદ નોંધાઈ છે અને જુદા-જુદા કારખાનામાંથી રોકડા રૂપિયા અને સીસીટીવી કેમેરાનું ડીવીઆર તેમજ બે રાઉટર મળીને ૨૯૫૦૦ ના મુદ્દામાલની ચોરી થઇ હોવાની ટંકારા તાલુકા પોલીસ સ્ટેશન ખાતે ફરિયાદ નોંધવામાં આવી છે જેથી પોલીસે હાલમાં ચોરીનો ગુનો નોંધીને આરોપીને પકડવા માટે તજવીજ શરૂ કરેલ છે
બનાવની જાણવા મળતી વિગત મુજબ મોરબીમાં સુપર ટોકીઝની પાસે આવેલ કુંભાર શેરીમાં રહેતા મહેશભાઈ મનુભાઈ નગવાડીયા જાતે પ્રજાપતિ (ઉમર ૩૨) એ હાલમાં ટંકારા તાલુકા પોલીસ સ્ટેશન ખાતે અજાણ્યા પાંચ શખ્સોની સામે ફરિયાદ નોંધાવી છે જેમાં તેમણે જણાવ્યું છે કે તેઓનું લજાઈ ચોકડીથી હડમતીયા રોડ ઉપર જવાના રસ્તા ઉપર મોરબી એન્જિનિયરિંગ વર્કસ નામનું કારખાનું આવે છે જેના તા ૧૫/૧૦ ના રોજ રાત્રિના બે થી ત્રણ વાગ્યાના અરસામાં કોઈ અજાણ્યા શખ્સો દ્વારા તાળાં તોડીને કારખાનામાં પ્રવેશ કરવામાં આવ્યો હતો અને ઓફિસના તાળા તોડીને તેના કારખાનામાથી તેમજ અન્ય કારખાનાઓમાં પણ બારી તોડીને તસ્કરો દ્વારા ચોરીની ઘટનાને અંજામ આપવામાં આવ્યો છે અને જુદા જુદા કારખાનામાંથી કુલ મળીને ૨૫૫૦૦ રૂપિયાની રોકડ તેમજ સીસીટીવી કેમેરાનું ડિવિયાર અને બે રાઉટરની ચોરી કરેલ છે આમ કુલ મળીને તસ્કરો દ્વારા ૨૯૫૦૦ રૂપિયાના મુદ્દામાલની ચોરી કરવામાં આવેલ હોય હાલમાં ટંકારા તાલુકા પોલીસ દ્વારા કારખાનેદારની ફરિયાદ લઈને અજાણ્યા પાંચ શખ્સોની સામે ગુનો નોંધીને પોલીસે તસ્કરોને પકડવા માટે તેને જુદી જુદી દિશામાં તપાસના ઘોડા દોડાવ્યા છ
