ગુજરાતની જીએમઆરઈએસ મેડિકલ કોલેજોમાં કરવામાં આવેલ ફી વધારા મુદે ફરી વિચારણા માટે સીએમને કરી રજૂઆત

ગુજરાતની જીએમઆરઈએસ મેડિકલ કોલેજોમાં ચાલુ વર્ષથી ફી માં વધારો કરવામાં આવેલ છે જેને લઈને ઠેરઠેર વિરોધ કરવામાં આવી રહ્યો છે ત્યારે નેશનલ મેડિકલ ઓર્ગેનાઈઝેશનના પ્રતિનિધિઓએ ફી વધારો પરત ખેંચવા માટે સીએમ અને આરોગ્ય મંત્રીને રજૂઆત કરવામાં આવી હતી.

હાલમાં કોડીનારના ધારાસભ્ય ડો. પ્રદ્યુમ્નભાઈ વાજા, રાજકોટના ધારાસભ્ય ડો. દર્શિતાબેન શાહ અને નેશનલ મેડિકલ ઓર્ગેનાઈઝેશનના પ્રતિનિધિઓએ ગુજરાતના સીએમ ભૂપેન્દ્રભાઈ પટેલ અને આરોગ્ય મંત્રી ઋષિકેશભાઈ પટેલને રૂબરૂ મળ્યા હતા. ત્યારે ડો.ભરતભાઈ અમીન, ડો.પ્રવીણભાઈ ભાવસાર, ડો.દુષ્યંતભાઈ દેસાઈ, ડો.વિરેનભાઈ દોશી, ડો.વિજયભાઈ ગઢીયા અને ડો.નિખિલ ચૌહાણ સાથે નેશનલ મેડિકલ ઓર્ગેનાઈઝેશનના પ્રતિનિધિ મંડળે ગુજરાતની જીએમઆરઈએસ મેડિકલ કોલેજોમાં ફી વધારો કરવામાં આવેલ છે. તે મુદે ફરી વિચારણા કરવામાં આવે તેવી રજૂઆત કરવામાં આવેલ છે. ત્યારે સીએમ અને આરોગ્ય મંત્રીએ પ્રતિનિધિમંડળ સાથે ચર્ચા કરી હતી.