મોરબી જિલ્લા પંચાયતમાં સામાજિક ન્યાય સમિતિના ચેરમેનના અધ્યક્ષ સ્થાને મહિલા નેતૃત્વ દિવસ ઉજવાયો
Morbi Today
મોરબી વાંકાનેર નેશનલ હાઇવે રોડ ઉપર સૂતા સૂતા બાઇક ચલાવીને જોખમી સ્ટંટ કરનાર શખ્સને પોલીસે દબોચ્યો
SHARE
JOIN OUR GROUP
મોરબી વાંકાનેર નેશનલ હાઇવે રોડ ઉપર સૂતા સૂતા બાઇક ચલાવીને જોખમી સ્ટંટ કરનાર શખ્સને પોલીસે દબોચ્યો
મોરબી જિલ્લામાંથી પસાર થતાં નેશનલ હાઈવે રોડ ઉપર વાંકાનેર નજીક અવારનવાર બાઈકના સ્ટંટ કરતા હોય તેવું સામે આવતું હોય છે. તેવી જ રીતે થોડા દિવસો પહેલા બાઈક ઉપર સ્ટંટ કરનારા શખ્સનો વિડીયો સામે આવ્યો હતો જેમાં સૂતા સૂતા તે શખ્સ બાઇક ચલાવતો હોય તે પ્રકારનું જોવા મળ્યું હતું. જેથી નેશનલ હાઇવે રોડ ઉપર બાઈકના સ્ટંટ કરનારા આ શખ્સને ટ્રાફિક શાખાની ટીમે શોધી કાઢીને તેની સામે વાંકાનેર તાલુકા પોલીસ સ્ટેશને ગુનો નોંધીને તેને કાયદાનું ભાન કરાવ્યું હતું.
સોશિયલ મીડિયામાં વિડીયો ઉપરવ્યુ વધારવા માટે થઈને અવારનવાર જોખમી સ્ટંટ કરવામાં આવતા હોય તે પ્રકારના વિડીયો સોશિયલ મીડિયામાં સામે આવતા હોય છે અને જો મોરબી જિલ્લાની વાત કરીએ તો છેલ્લા પોણા બે મહિનાની અંદર લગભગ પાંચથી છ ઘટના બાઈક ઉપર જોખમી સ્ટંટ કરતા હોય તેવી સામે આવેલ છે. અને તેમાં વિડીયો વાયરલ થયા બાદ પોલીસ વિભાગ દ્વારા કાર્યવાહી કરીને જોખમી સ્ટંટ કરનારા શખ્સોની સામે ગુના નોંધવામાં આવ્યા છે. તેમ છતાં પણ વાંકાનેર સિટી અને તાલુકાની હદમાંથી પસાર થતા નેશનલ હાઈવે રોડ ઉપર જોખમી સ્ટંટ કરવાનું બંધ થતું નથી. તેવું કહીએ તો તેમાં જરા પણ અતિશયોક્તિ નથી.
થોડા દિવસો પહેલા વાંકાનેર નજીક નેશનલ હાઈવે રોડ ઉપર પોતાની અને અન્ય લોકોની જિંદગી જોખમમાં મુકાય તે પ્રકારના બાઈકના સ્ટંટ કરતાં એક શખ્સનો વિડીયો વાયરલ થયો હતો. જેથી ટ્રાફિક પોલીસ દ્વારા તે બાઈકના નંબર આધારે તેને શોધી કાઢવા માટેની કવાયત હાથ ધરવામાં આવી હતી અને મોરબી જિલ્લા ટ્રાફિક શાખાના પીઆઇ ની સૂચના મુજબ વાંકાનેર નેશનલ હાઈવે રોડ ઉપર બાઈક નંબર જીજે 13 એમએમ 9794 લઈને સુતા સુતા નેશનલ હાઈવે રોડ ઉપર બાઇક ચલાવનારા શખ્સને પકડવા માટે તજવીજ શરૂ કરી હતી.
હાલમાં ટ્રાફિક શાખાના પીએસઆઇ ડી.બી. ઠક્કર અને સ્ટાફ દ્વારા બાઈક નંબર આધારે ઇમરાન ગુલામભાઈ સામતાણી (19) રહે. મિલ પ્લોટ ચોક શેરી નં-4 વાંકાનેર વાળાની ધરપકડ કરવામાં આવી હતી અને તેની સામે વાંકાનેર તાલુકા પોલીસ સ્ટેશન ખાતે ગુનો નોંધીને પોલીસે આ શખ્સને કાયદાનું ભાન કરાવ્યું છે. વધુમાં પોલીસ પાસેથી જાણવા મળતી વિગત મુજબ મોરબી વાંકાનેર હાઇવે રોડ ઉપર આવેલ ઢુવા ઓવરબ્રિજ વચ્ચે આ શખ્સ દ્વારા સુતા સુતા બાઈક ચલાવીને બાઈકના જોખમી સ્ટંટ કરતો હતો તેવી તેને કબૂલાત પણ આપેલ છે જેથી પોતાની જિંદગી તથા અન્ય લોકોની જિંદગી જોખમમાં મુકાય તે રીતે બાઈક ચલાવનાર સામે પોલીસે કાર્યવાહી કરી હતી.
