ટંકારા અને જબલપુરમાં જુગારની બે રેડ: સાત શખ્સ પકડાયા

ટંકારા અને જબલપુર વિસ્તારમાં સ્થાનિક પોલીસ દ્વારા જુગારની બે રેડ કરવામાં આવી હતી ત્યારે સ્થળ ઉપરથી જુગાર રમતા કુલ મળીને સાત વ્યક્તિઓ મળી આવ્યા હતા જેથી પોલીસે તેની પાસેથી 16,200 ની રોકડ કબજે કરી હતી અને સ્થાનિક પોલીસ સ્ટેશનમાં જુગારના બે ગુના નોંધીને આગળની કાર્યવાહી હાથ ધરી છે.

ટંકારામાં આવેલ ઉગમણા જાપા પાસે જાહેરમાં જુગાર રમતા હોવાની હકીકત મળી હતી જેના આધારે સ્થાનિક પોલીસ દ્વારા ત્યાં જુગારની રેડ કરવામાં આવતા સ્થળ ઉપરથી જીગ્નેશભાઈ કાળુભાઈ ઉઘરેજા 30, મેરૂભાઈ ભુદરભાઈ સારસા 25, અને મોતીભાઈ છગનભાઈ જાદવ 55 રહે. બધા ઉગમણા નાકા પાસે ટંકારા વાળા જુગાર રમતા મળી આવ્યા હતા જેથી પોલીસે તેની પાસેથી 10,500 ની રોકડ કબજે કરી હતી. આવી જ રીતે જુગારની બીજી રેડ ટંકારા પોલીસ દ્વારા જબલપુર ગામે ઇંટોના ભઠ્ઠા પાસે કરવામાં આવી હતી ત્યારે જાહેરમાં જુગાર રમતા દેવરાજભાઈ વાલજીભાઈ નારણીયા 55, કાંતિભાઈ મગનભાઈ ગણાવા 53, બાપુભાઈ દરિયાવરસિંહ દોહદીયા 30 અને ચંદનકુમાર સિબજીભાઈ રાવત 24 મળી આવ્યા હતા જેથી કરીને પોલીસે તેની પાસેથી 5,700 ની રોકડ કબજે કરી જુગારધારા હેઠળ ગુનો નોંધી આગળની કાર્યવાહી હાથ ધરી હતી.