મોરબી જિલ્લા પ્રાથમિક શિક્ષક સંઘ દ્વારા રાજ્ય પરીક્ષા બોર્ડના અધ્યક્ષનું કરાયું સન્માન
Morbi Today
મોરબીના રફાળેશ્વર ગામે બુટવડા ગામના સરપંચને બોલાવીને માર મરનારા ત્રણ શખ્સોની ધરપકડ
SHARE
JOIN OUR GROUP
મોરબીના રફાળેશ્વર ગામે બુટવડા ગામના સરપંચને બોલાવીને માર મરનારા ત્રણ શખ્સોની ધરપકડ
હળવદ તાલુકાનાં બુટવડા ગામના સરપંચનો ભત્રીજો પ્રેમ સબંધ હોય યુવતીની સાથે ભાગી ગયેલ છે જેથી યુવતીના સબંધીઓએ સરપંચને મોરબીના રફાળેશ્વર ગામની વીડીમાં ચર્ચા કરવા માટે બોલાવ્યા હતા અને બાદમાં તેઓને ધોકા અને પ્લાસ્ટિકના પાઇપ વડે માર માર્યો હતો જેથી કરીને ભોગ બનેલા સરપંચે ત્રણ શખ્સોની સામે ફરિયાદ નોંધાવી હતી જેના આધારે પોલીસે ગુનો નોંધીને હાલમાં ત્રણેય આરોપીની ધરપકડ કરેલ છે
હળવદ તાલુકાનાં બુટવડા ગામના સરપંચ મુળજીભાઇ ગંગારામભાઇ દેગામા જાતે કોળી (ઉ.૫૨)એ બાબભા ગઢવી, રાજભા ગઢવી અને જયદીપ ગઢવીની સામે ફરિયાદ નોંધાવી હતી જેમાં તેને જણાવ્યુ હતુ કે, ગત ૨૪ તારીખે મોરબી તાલુકાના રફાળેશ્વર ગામની વીડીમાં તેઓને આરોપીઓ બોલાવ્યા હતા કેમ કે, તેના સાળાના દિકરા ભરતને આરોપીઓના સંબંધીની દિકરી સાથે પ્રેમ સંબંધ હોય તે ક્યાક જતા રહેલા છે જે બાબતે ચર્ચા કરવા માટે ફરિયાદીને બોલાવ્યા હતા અને બાદમાં જયદીપ ગઢવીએ જમણા હાથે લાકડાનો ધોકો મારી ફેક્ચર કરી નાખ્યું હતું અને બાબભા ગઢવી તેમજ રાજભા ગઢવીએ લાકડાના ધોકા અને પ્લાસ્ટીકના પાઇપથી મુંઢમાર માર્યો હતો અને ગાળો આપી જાનથી મારી નાખવાની ધમકી આપી હતી જેથી પોલીસે સરપંચની ફરિયાદ લઈને હાલમાં ત્રણેય આરોપીઓની ધરપકડ કરેલ છે જેમાં બાબભા ઉર્ફે પુનાભા પંચાણજી દેવસુરા જાતે ગઢવી (૪૧) રહે. રફાળેશ્વર, રાજભા નારણભા ગઢવી (૨૪) અને જયદીપ સુનિલભાઈ લાબા ગઢવી (૨૧) રહે. બંને મોરબી વાળાની ધરપકડ કરી છે
