મોરબીના લાલપર પાસે ઝડપાયેલ દારૂના ગોડાઉનના મેનેજરને પાસા હેઠળ જેલ હવાલે કરાયો
SHARE
JOIN OUR GROUP
મોરબીના લાલપર પાસે ઝડપાયેલ દારૂના ગોડાઉનના મેનેજરને પાસા હેઠળ જેલ હવાલે કરાયો
મોરબીના લાલપર પાસે દારૂના ગોડાઉનમાં એસએમસીની ટીમે રેડ કરી હતી ત્યારે ગોડાઉનના મેનેજર તરીકે પકડાયેલ શખ્સની સામે પાસ દરખાસ્ત મૂકવામાં આવી હતી જેને મંજૂર કરવામાં આવતા પોલીસે આરોપીની પાસા હેઠળ ધરપકડ કરીને આરોપીને મધ્યસ્થ જેલ અમદાવાદ ખાતે મૂકવામાં આવેલ છે.
મોરબી જીલ્લામાં લાલપર પાસે દારૂના ગોડાઉનમાં એસએમસીની ટીમે રેડ કરી હતી ત્યારે ત્યાંથી 1.51 કરોડનો દારૂ અને બિયરનો જથ્થો પકડવામાં આવ્યો હતો અને ત્યારે ગોડાઉનના મેનેજર સહિતના 10 જેટલા આરોપીને પકડવામાં આવ્યા હતા અને આ ગોડાઉનના મેનેજર સામે પાસા દરખાસ્ત તૈયાર કરી મોરબી જીલ્લા મેજિસ્ટ્રેટને મોકલતા જીલ્લા મેજિસ્ટ્રેટ કે.બી.ઝવેરીએ આરોપી રમેશભાઇ પુંજાભાઇ પટણી રહે. નવા ચિત્રોડ તાલુકો રાપર વાળાનું પાસા વોરંટ ઇશ્યુ કર્યું હતું જેથી કરીને એલસીબીના ઇન્ચાર્જ પીઆઇ એમ.પી.પંડયાની સૂચના મુજબ પીએસઆઈ કે.એચ.ભોચીયા અને ટીમે આરોપી રમેશભાઇ પુંજાભાઇ પટણી જાતે પટેલ (37) રહે. નવા ચિત્રોડ બાપા સીતારામની મઢુલી પાસે તાલુકો રાપર વાળાને ડીટેઇન કરી મધ્યસ્થ જેલ અમદાવાદ ખાતે મોકલી આપેલ છે.
યુવતી સારવારમાં
મોરબીના સામાકાંઠે સર્કિટ હાઉસ વિસ્તારની સામે આવેલ વિદ્યુતનગર વિસ્તારમાં રહેતી રાધિકાબેન ભરતભાઈ ઉપસરિયા નામની 24 વર્ષીય યુવતી તેના ઘરે હતી ત્યારે તેણીએ જાતે તેના હાથ ઉપર બ્લેડ વડે ચેક કરી દીધા હતા જેથી તેને ખાનગી હોસ્પિટલમાં સારવાર માટે લઈને આવ્યા હતા અને આ બનાવની બી ડિવિઝન પોલીસને જાણ કરી હતી અને આગળની તપાસ જગદીશભાઈ ડાંગર ચલાવી રહ્યા છે.
